Кој е „херојот“ што го победи Ѕинго во Кратово?
Објавено во: Анализа 16 Октомври, 2017 11:32
Офтамологот Љупчо Бојаџиев ја издвојува една од најизненадувачките победи во општина Кратово со што му стави крај на долгогодишното влијание на Љубислав Иванов Ѕинго и неговата Социјалистичка партија која во последните изборни циклуси беше во постојана коалиција со ВМРО-ДПМНЕ.
За Кратово важеше дека е град кој секогаш ја дава поддршката за ВМРО-ДПМНЕ без оглед што Ѕинго подолго време веќе не е активен во политиката, а истовремено се повлече од функцијата пратеник за да нема судир на интереси бидејќи беше сопственик на Телевизија Сител каде директор е неговиот син.
Љупчо Бојаџиев кандидатот на СДСМ во првиот круг во Кратово освои 3.384 гласови или вкупно 57,11% од гласачкото тело пред Мите Андоновски кандидатот на ВМРО-ДПМНЕ кој заостана со 2.274 гласови, па така ќе нема потреба од втор круг. Победата на Бојаџиев има и поголема тежина бидејќи е остварена против актуелниот градоначалник Андоновски кој ќе се збогува со функцијата.
За Кратово имаше и шпекулации дека СДСМ не сака веќе да одржува големи митинзи бидејќи потоа сите присустни трпеле, како политички така и еконмски притисоци.
СПМ на овие избори ја даде поддршката за ВМРО-ДПМНЕ но, без оглед на сета досегашна моќ на терен изразена и преку економската надмоќ од компаниите во посед на семејството Иванови не успеа да оствари нова победа во традиционалниот бастион.
Љупчо Бојаџиев е роден инаку во Струмица, а е доктор по офтамологија. Тој неодамна беше назначен и за директор на здравствениот дом во Кратово, но по победата на изборите ќе треба да се повлече од оваа функција. СДСМ освои и мнозинство во Советот на општина Кратово со 54,99% од гласовите за советничката листа предводена од Ранко Арсов.
Заев во изборната кампања заедно со Бојаџиев ветија гасификација на Кратово, отворање на индустриска зона и спречување на иселувањето со поддршка на младите луѓе.
Автор: Христијан Станоевиќ* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
