25 Август, 2019
0.0169

Кој е шампион за бела техника и апарати за по дома?

Објавено во: Економија 03 Јуни, 2019

Очигледно дека како нација сме манијаци за апарати и уреди за по дома како и за бела техника. Бизнисот на четирите најголеми ланци маркети пораснал за 16,5 милиони евра и стигна до 120 милиони евра!!!

Малопродажниот трговски ланец „Нептун“ и лани е кралот на продажбата на бела техника и апарати за во домаќинство на територијата на нашата земја. Официјалните податоци покажуваат дека во конкуренција се четири најголеми ланци за малопродажба на бела техника и апарати за домаќинство. Тие заедно лани имале промет од 120 милиони евра, а нивната продажба пораснала за 16,5 отсто во споредба со 2017 година.

„Нептун“ е убедливо најголем играч на домашниот пазар на бела техника и апарати за дома. Лани оваа компанија остварила вкупни приходи кои изнесуваат 56,8 милиони евра и тие во споредба со лани се поголеми за 6 отсто. Оваа компанија држи безмалку половина од целиот пазар што значи дека сама прави приход колку што заедно прават нејзините три конкурентски компании. Добивката на „Нептун“ лани е 2,78 милиони евра и е двојно повеќе од профитот на најголемиот ривал „Сетек“. „Нептун“ воедно вработува и најмногу лица вкупно 396 вработени. Нивниот број лани е зголемен за 17 лица.

„Сетек“ се наметнува како најголем ривал на „Нептун“. Оваа компанија лани имала вкупни приходи кои изнесуваат 38,23 милиони евра. Оваа е најбрзо растечка компанија на нашиот пазар затоа што нејзиниот приход лани пораснал за 37 отсто во однос на претходната година. Тоа е 10,3 милиони евра повеќе од претходната година. „Сетек“ лани остварил добивка од 1,26 милиони евра и вработил 56 нови вработени. Вкупниот број на вработени лани е 322 лица.

На третата позиција е „АМЦ“ и ова е единствената компанија која има статус кво на вкупните приходи во однос на конуренцијата. Тие лани изнесувале 13,9 милиони евра, а добивката е 45.600 евра. За „АМЦ“ е најзначајно тоа што бројот на вработени лани е најголем во споредба со конкуренцијата (како процент од вкупниот број на вработени н.з.). Компанијата на крај на 2018 година има 170 вработени што е за 50 повеќе од претходната година.

„Техномаркет“ е најстариот бренд на бела техника од конкурентите кој сега е најмал во оваа конкуренција. Позитивно е тоа што „Техномаркет“ лани ги зголеми приходите од продажба за 41 отсто и тие надминале 10,8 милиони евра. Лошата вест е таа што расходите се поголеми од приходите и компанијата годината ја завршила со загуба од 1,27 милиони евра. „Техномаркет“ лани вработил 31 лице и има 158 вработени , најмалку во конкуренцијата.


Кој колку вреди?

Според главнината и резервите позициите се вакви: најголем е „Нептун“ компанијата вреди 6,8 милиони евра. Следи најамбициозниот млад ривал „Сетек“ со 3,55 милиони евра пред АМЦ со 2,07 милиони евра и  „Техномаркет“ со 1,76 милиони евра. 


Р.Ф.

Можеби ќе ве интересира

Министерот за транспорт и врски ги повика градоначалниците да се подготват за секундарна гасификација

Министерот за транспорт и врски ги повика градоначалниците да се подготват за секундарна гасификација

Граѓаните скенираат фискални, но како ќе знаат колку пари треба да добијат назад?

Граѓаните скенираат фискални, но како ќе знаат колку пари треба да добијат назад?

Кој ќе седне во министерската фотелја за странски инвестиции?

Кој ќе седне во министерската фотелја за странски инвестиции?

ЕУ подготвува економски напад на САД: Ќе настрадаат гиганти како Фејсбук и Гугл

ЕУ подготвува економски напад на САД: Ќе настрадаат гиганти како Фејсбук и Гугл

За колку ќе пораснат пензиите

За колку ќе пораснат пензиите

ПРЕДЛОЖЕНА ЗА НАСЛЕДНИЧКА НА ТЕВДОВСКИ: Нина Ангелковска ќе управува со парите на граѓаните

ПРЕДЛОЖЕНА ЗА НАСЛЕДНИЧКА НА ТЕВДОВСКИ: Нина Ангелковска ќе управува со парите на граѓаните

Колку пари има во посредувањето за работа на брод?

Колку пари има во посредувањето за работа на брод?

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Промени во органите на управување и раководење на Силк Роуд банка

Промени во органите на управување и раководење на Силк Роуд банка