Кој ќе биде новиот водач на „Хезболах“, најбаран терорист на светот и нова главна подвижна мета на израелската војска?

Станува збор на Либанец, роден 1964 година кој потекнува од угледна либанско семејство на религиозни муслимани – шиити. Неговото семејство дали неколку професори – теолози, а негови роднини активно учествуваат во политичкиот живот на Либан како пратеници во нивниот парламент. Неговиот брат Абдула е врвен претставник на “Хезболах“ во Иран, а неговиот син Реџа е сопруг на иранскиот митски генерал Касим Сулејмани, кого американските воени сили го убија во специјално планиран напад во 2020 година. Сулејмани беше заштитно лице на таканаречената „Осовина на отпорот“ фронт основан од Иран, Сирија, Либан, Јемен и Палестина кој се бори против постоењето на израелска држава на Блискиот Исток и заради тоа нивните претставници се високо на листите на терористи на западните земји предводени од САД.

Сафадин бил веројатно најбискиот соработник, а воедно и роднина на досегашниот лидер на „Хезболах“ Хасан Насралах кој пред три дена настрада во масовното бомбардирање на квартот Дахрја во Бејрут главниот град на Либан. Овој кварт важи за главно седиште на „Хезболах“ која е лидер на листата на САД за терористички организации.

Сафадин освен што бил најблизок соработник на Насралах, е верски лидер и теолог исто како и поранешниот лидер на „Хезболах“. Заедно и студирале теологија во двата најпознати шиитски верски центри: во ирачкиот град Најаафа и иранскиот верски центар Куом. И двацата пристапиле на „Хезболах“ од најраните денови по основањето на организацијата во раните осумдесети години на минатиот век.

Насралах беше прв човек на „Хезболах“ од 1992 година до сега. Воедно беше најбараниот терорист од Израел и САД. И Сафедин „ужива“ ист статус како и Насралах. Тој е високо на листата терористи, а САД и Саудиска Арабија го замрзнале неговиот имот секаде каде што можеле и имале директна јурисдикција или влијание.

За потсетување Насралах, врховен водач на „Хезболах“ е убиен во масовно гранатирање на јужното предградие на главниот град Либан, Бејрут со 80 тони бомби од американско производство кои во период од неколку минути се исфрлени од израелски авиони – бомбардери. Материјалната штета во јужното предградие е огромна и уште нема детални проценки, но се знае дека е уништена цивилна инфраструктура и станбени згради во кои живеат цивили.

Воена состојба со ексалации од различен дијапазон меѓу Израел и „Хезболах“ трае дваесетина години. Најновата ескалација меѓу двете завојувани страни трае веќе една година, поточно започна по масакарот на „Хамас“ врз цивили и војска во Израел на 7 октомври лани. По тоа Израел возврати воено несразмерно и за една година речиси ја урна целата цивилна инфраструктура во појасот Газа, со својата авијација и со артилериските сили и тенковските единици. Има над 41.000 жртви – палестински цивили.

По започнувањето на воената кампања во Газа, „Хезблах“ започна со ракетирање на цели во северен Израел што резултираше со времено раселување на околу 100.000 жители на северен Израел. Нивниот преимер Бенјамин Неатанјаху најави дека израелската војска ќе направи се што може да го неутрализира „Хезболах“ и освен со авијација и артилерија му зададе тежок удар со синхронизираните експлозии првин со пејџери, а потоа и ос воки-токи средства на комуникација.

Сега веќе се сигурно дека ескалацијата нема да се намали туку ќе се заостри и дека е веќе изгледна нова копнена офанзива на Израел во Либан.