Кој ќе биде посредник меѓу САД и Северна Кореја?
Објавено во: Свет 26 Декември, 2017
Меѓу САД и Северна Кореја може да посредува Москва.
Но, за тоа е потребно согласност на двете земји.
„Ние зборуваме за подготвеноста на Русија, ако има потреба и желба на двете страни“- велат од прес-службата на рускиот претседател, Владимир Путин.
Конфронтирачката реторика е само помеѓу Пјонгјанг и Вашингтон, и подготвеноста на Русија е сосема очигледна во поглед на изнаоѓање начин да се намали тензијата.
Рускиот министер за надворешни работи, Сергеј Лавров, вчера ги повика Вашингтон и Пјонгјанг да започнат разговори, додавајќи дека Русија е подготвена да посредува помеѓу нив, објави Ројтерс.
Американски дипломати изјавија дека се стремат кон дипломатско решение на кризата, но претседателот Доналд Трамп стави како предуслов Северна Кореја да преземе обврска дека ќе се откаже од нуклеарните оружја.