18 Јули, 2018
0.4610
    ALK 8022.86    0.07%     GRNT 805    -1.97%     KMB 5100.28    0.85%     MPT 43389.66    0.94%     OKTA 4301    -0.83%     RMDEN09 98    2.22%     RMDEN16 95    0%     RMDEN17 95.95    0.05%     STIL 129.42    1.91%     TIKV 157    2.61%     TKVS 4650    0%     TNB 13700    -2.14%     TPLF 1089    9.98%     TTK 992.73    1.11%     UNI 2400    1.95%     ZILU 250    5.49%

Кој сака да биде поголема „УЧК“ од ДУИ?

Објавено во: Анализа 27 Октомври, 2017

Трката во албанскиот етнички блок во вториот круг од локалните избори се покажа како многу повозбудлива за следење отколку самата битка меѓу СДСМ и ВМРО-ДПМНЕ каде неизвесноста е помала. Сепак, тоа што малкумина го очекуваа е дека кај дел од албанските партии и нивни поддржувачи повторно ќе се врати национализмот како главно гориво за собирање на политички поени и надеж дека гласачите ќе се свртат кон такви теми на локални избори на кои е многу поважно да се говори за проекти за решавање на конкретните проблеми на граѓаните.

Овој пат, главен проблем е тоа што на изборен собир во Тетово на коалицијата СДСМ и ДУИ се појавил Љубе Бошкоски, поранешниот министер за внатрешни работи кога траеше воениот конфликт во Македонија во 2001 година. Критичарите на Али Ахмети се прашуваат како е можно Бошкоски, човекот кој според нив бил мозокот на операцијата во Љуботен која доведе до масакр на цивили албанци сега да биде дел од кампањата на ДУИ. Наводно ДУИ ги напуштила принципите на УЧК и нејзините вредности со тоа што соработува со Бошкоски, а претходно се крена голема „џева“ затоа што заменик министерот за внатрешни Агим Нухиу го посети музејот на специјалната единица „Тигри“ во чест на паднатите борци.

Ова навраќање на албанскиот национализам во кулуминацијата на изборната кампања не носи добро никому, особено што има извртување на тези бидејќи Бошкоски беше ослободен од Хашкиот трибунал за воени злосторства и единствено Јохан Тарчуловски одговараше за злоделата во Љуботен. 

Зачудува и тоа што ДУИ самата партија која се формираше од политичкото крило на УЧК и во своите редови имаше поранешни учесници во воениот конфликт, меѓу кои и команданти, сега полека ги надминува тие националистички митови и говори за сосема нови теми како меѓусебна и искрена соработка, а некој друг сака да биде поголема „УЧК“ од нив.

Претумбациите во албанскиот блок се должат пред се од незадоволството кон Али Ахмети кој е предолго во политиката, како и кон кадрите на ДУИ кои беа во владата на Груевски, па затоа реформа на оваа партија е неопходна и секако мора да се отворат и случаи за потенцијална корупција од претходните влади и општински раководства, но тоа не е тема за пробудување на националистичките духови туку на правната држава.

Автор: Христијан Станоевиќ

Можеби ќе ве интересира

Како издржува ПИОМ: Пензиите од јануари до мај зависеле само од месечните позајмици од буџетот

Како издржува ПИОМ: Пензиите од јануари до мај зависеле само од месечните позајмици од буџетот

За што Македонец најчесто „дига“ кредит?

За што Македонец најчесто „дига“ кредит?

Колку пари има во бизнисот со природен гас: Колкава е просечната плата во ГА-МА?

Колку пари има во бизнисот со природен гас: Колкава е просечната плата во ГА-МА?

Што си купи Чифлиганец со 10 милиони евра?

Што си купи Чифлиганец со 10 милиони евра?

Колку чини „Ало“ во РЕК Битола?

Колку чини „Ало“ во РЕК Битола?