15 Април, 2021
0.0256

Кој во „корона“ со речиси преполовена продажба направи профит од 8,3 милиони евра?

Објавено во: Економија 05 Март, 2021

Мермерен комбинат е познат како голем извозник на мермер и на девизи (затоа што дели големи дивиденди,а странци поседуваат 99,2 отсто од акциите) лани имаше тешка година. Ограничувањата за физички патувања кои се нужни за проверка на квалитет на мермерот ги намали нарачките и продажбата падна за 14 милиони евра односно за 39 отсто. Тоа влијае негативно и на добивката, но сепак таа е на ниво што е посакувано за многу други компании и изнесува 8,3 милиони евра

Короната удри и врз работењето на прилепскиот Мермерен комбинат Прилеп компанија која важи за успешен извозник и дарежлив делител на дивиденди за своите акционери во изминативе години. Лани заради светската здравствена пандемија 22,2 милиони евра приход од продажба за 39 отсто послаб од претходната година кога од продажба, во доминантна мерка извоз, друштвото наплатило над 36 милиони евра.  Во образложението кое Мермерен комбинат го дава до берзата и е достапно на сервисот СЕИ – НЕТ пишува дека голем хендикеп за компанијата се физичките ограничувања за патување кои ги наметна ковид кризата. Затоа што за продажба на мермер неопходна била физичка проверка на квалитетот на мермерот што оди во извоз. Заради ограничувањата за патување и деловните партнери ги намалиле нарачките, а тоа е генерален односно светски тренд во продажбата на мермер.

Во услови на пандемија трошоците за работење на компанијата трошоците за продажба и административните трошоци (две најголеми расходни збирни ставки) не бележат значајно намалување во спредба на 2019 година. Административните трошоци останале на ниво повисоко од 1,5 милиони евра (всушност пораснале за 4 отсто), а трошоците за маркетинг и продажба пораснале за 1 отсто и изнесуваат 2,5 милиони евра.

Бруто добивката на друштвото лани е 8,8 милиони евра и тоа е за 61 отсто помалку од претходната година кога биле 22,3 милиони евра. Нето добивката на друштвото е 8,3 милиони евра и тоа е дури 59 отсто послаб резултат од претходната година. Добивката по акција е 1,77 евра односно 109 денари. И со овој значајно послаб резултат оваа компанија е една од најуспешните производствени фирми чии акции се тргуваат на нашиот пазар. Акцијата на Мермерен комбинат е слабо ликвидна и последен пат се тргувала кон средината на декември лани со просечна продажна цена од 2.500 денари за акција.

Обврските на друштвото на крај на 2020 година изнесуваат 2,2 милиони евра што е за 26 отсто помалку од претходната година.

Р.Ф.

Можеби ќе ве интересира

МАРТИН АНГЕЛОВСКИ ОД ТУК: Од понеделник излегуваме на протести, остануваме се додека не се прифатат нашите барања

МАРТИН АНГЕЛОВСКИ ОД ТУК: Од понеделник излегуваме на протести, остануваме се додека не се прифатат нашите барања

Туристичко-угостителската комора „фрлена на колена“: Како ќе се надминуваат штетите предивикани од Ковид19

Туристичко-угостителската комора „фрлена на колена“: Како ќе се надминуваат штетите предивикани од Ковид19

Владата повторно инјектира милионски суми во државната компанија НЕР

Владата повторно инјектира милионски суми во државната компанија НЕР

Кој македонски производител на зејтин продава 50.000 акции? Цената е багателна!

Кој македонски производител на зејтин продава 50.000 акции? Цената е багателна!

ФИРМИТЕ СЕ ПОВЕЌЕ СЕ ЖАЛАТ НА ДРЖАВНИТЕ ОГЛАСИ - лани имало над 1.000 жалби до Комисијата за јавните набавки

ФИРМИТЕ СЕ ПОВЕЌЕ СЕ ЖАЛАТ НА ДРЖАВНИТЕ ОГЛАСИ - лани имало над 1.000 жалби до Комисијата за јавните набавки

Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати

Каков е всушност проектот „Гранд“ спроти Холидеј Ин: Највисоката кула ќе има 22 ката, а зеленило од над 6.000 квадрати

Генерали Инвестментс: Инвеститорите со долгорочни цели на заштеда потребно е да истраат

Генерали Инвестментс: Инвеститорите со долгорочни цели на заштеда потребно е да истраат

Објавен летниот распоред: Повторно директна авионска линија помеѓу Малта и Македонија по пауза од една година

Објавен летниот распоред: Повторно директна авионска линија помеѓу Малта и Македонија по пауза од една година

Валалница во Србија им дава бонус на работниците ако се вакцинираат

Валалница во Србија им дава бонус на работниците ако се вакцинираат