Која е акцијата што носи одлична дивиденда, а ја нема ниту за лек?
Објавено во: Економија 15 Јуни, 2020
Единствената македонска компанија за производство на хидроизолациски материјали од битумен и годинава солидно ќе ги награди своите стотина акционери. Дивидендата е повеќе од добра и изнесува над 10 отсто од последната пазарна цена на таа акција. Единствен проблем е што нема ни за лек да се купи акцијата на светиниколски БИМ
Светиниколската компанија БИМ ќе исплати над 193.000 евра бруто дивиденда на своите акционери, а нето износот по акцијата изнесува 1.100 денари односно 18 евра, пишува во предлогот што ќе се најде на акционерското собрание на таа компанија закажан за 22 јули годинава. Единствената домашна компанија која произведува хидроизолациски материјали на база на битумен лани остварила добивка од 382.000 евра, а ја завршила годината со приход од 6,9 милиони евра.
БИМ е целосно поседувана домашна компанија, нема акционери од странство. Во својата акционерска структура има вкупно 99 акционери од кои само едно домашно правно лице и уште 98 домашни физички лица.
Најголем акционер и доминантен сопственик на БИМ е Стојанче Стојанов, актуелен претседател на петчлениот Одбор на директори. Тој поседува 53,4 отсто од акциите со право на глас и ќе добие околу 97.000 евра нето дивиденда. Другите 97 акционери физички лица ќе поделат околу 93.000 евра.
Акционерите, доколку биде усвоен овој предлог, ќе ги добијат своите пари на 20 август. Дивиденда ќе носи секоја акција што е истргувана до 10 август. Еден од предлозите на претстојното собрание е во инвестиции да се вложат 150.000 евра.
Освен што е уникат во дејноста, БИМ е веројатно уникат и по тоа што неколку години наназад дели дивиденда, но таа акција не може да се најде и да се купи. Последна трансакција со акцијата на БИМ била на 4 јули 2018 година кога се истргувани 23 акции по цена од 10.100 денари
БИМ е една од петте најголеми и најуспешни компании во економијата на Свети Николе. Таа подели дивиденда во бруто износ од 1.765 денари за работењето во 2018 година и 1.667 денари за работењето во 2017 година. Акцијата на БИМ лани носела нето добивка од 37,5 евра, преклани носела 80 евра исто како и во 2017 година . Од последните три години најдобра била 2018 година кога приходите изнесувале 8,73 милиони евра.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
КОНЕЧНО И ПОРТАЛИТЕ ВЛЕГУВААТ ВО ЗАКОНОТ, ЌЕ СЕ РЕГУЛИРААТ И АГРЕГАТОРИТЕ - еве што носи новата нацрт верзија
Должник на МЕПСО од Косово пред суспензија од пазарот за електрична енергија
Еве ги најголемите економски патриоти! Кои се најголемите македонски извозници меѓу котираните компании?
ЛЕСНО ДО ГЕРМАНСКИ ПАСОШ: Не треба да се откажете од вашиот пасош, еве како да се пријавите
ДНЕВНИЦА 80 ЕВРА, А РАБОТНИЦИ НЕМА: Страшно недостигаат работници за оваа работа
СО ПОЛНА ПАРЕА СЕ ГРАДИ АВТОПАТОТ, ГОЛЕМА МОБИЛИЗАЦИЈА НА РАБОТНИЦИ: Николоски со добри вести, еве кога ќе е готов автопатот Охрид- Кичево
„НОВА ЕНЕРГЕТСКА КРИЗА ВО ЕВРОПА“: Се намалија испораките на гас, цените рипнаа за 45 проценти
НАЈНИСКО НИВО ЗА ДВЕ ГОДИНИ: Се намали вредноста на еврото во однос на доларот
