Која е најтргувана акција на почетокот на месецот?
Објавено во: Финансии 02 Февруари, 2018
Според информациите на Македонска берза, акцијата на НЛБ Банка на почетокот на февруари е една од најтргуваните. На 1 февруари регистрирани се вкупно 31 трансакција со акциите на НЛБ.
Вкупно вчера биле истргувани 1.118 обични акции со право на глас од НЛБ Банка АД Скопје. Станува збор за вкупен промет од 242 илјади евра или поточно 14,9 милиони денари.
Последната вредност на една акција на НЛБ Банка достигна 13.550 денари што е за околу 300 денари повеќе во однос на еден месец претходно.