29 Март, 2024
0.0284

Која фирма за градежни материјали го зголеми профитот за 80 отсто во „корона криза“?

Објавено во: Економија 25 Ноември, 2020

Добивај вести на Viber

Светиниколски БИМ од битуменски заштитни материјали оствари приход од 5 милиони евра и во корона криза има нето добивка од 593.000 евра што е за 80 отсто подобар резултат од лани. Успеале да го задржат нивото на приходи од продажба, а да ги намалат трошоците за 12 отсто

Некои компании едноставно не само што се во ризик туку и се отпорни на „корона криза“. Една од тие фирми е единствената домашна компанија за производство на битумен кој се користи во градежните материјали за хидроизолација. Тоа е компанијата БИМ од Свети Николе и освен што е единствена домашна фирма за хидроизолациски материјали од битумен е позната кај инвеститорите на берза како една од најредовните исплаќачи на дивиденда на своите акционери.

За првите девет месеци оваа компанија од Свети Николе остварила приходи од продажба во износ од 5 милиони евра и нето добивка од 593.000 евра. Приходите на друштвото се на исто ниво како и лани во првите девет месеци, кога биле само за 3 отсто повисоки. На домашниот пазар БИМ пласирал стоки и услуги во вредност од 2,9 милиони евра што е за 14 отсто повеќе од истиот период лани. На странските пазари пласманот е 2,1 милиони евра и тоа е 19 отсто помалку од лани. Залихите на крај на септември се на ниво од 588.000 евра.

Клучот на успехот на друштвото е во намалените оперативни расходи. Тие се пониски за 12 отсто во однос на лани и изнесуваат 4,17 милиони евра. Од тоа најголем дел е за набавка на суровини и други материјали на што отпаѓа 3,3 милиони евра, а и тоа е помалку за 16 отсто во однос на лани. Трошокот за вработените компанијата го зголемила за 11 отсто и сега изнесува 421.000 евра.

Оперативната добивка на оваа компанија на крај на септември во однос на лани бележи раст од 79 отсто и изнесува 659.000 евра. Нето добивката е 593.000 евра и е поголема за 80 отсто во однос на истиот период лани.

За последните три години таа компанија поделила дивидедна од 76 евра кумулативно, а специфика е што таа акција многу ретко се тргува на берзата. Последната пазарна цена е постигната пред три години и изнесувала 10.100 денари за акција. Најголем акционер е Стојанче Стојанов, претседател на Одборот на директори, кој поседува 53 отсто од акциите со право на глас. Уште 97 домашни физички лица поседуваат 42,5 отсто од акциите со право на глас.

Р.Ф.

Можеби ќе ве интересира

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи