Колку чини преносот на Премиер лига!?

Добивај вести на Viber

Премиер лигата на Англија во фудбал ги има продадено телевизиските права за своите натпревари за нови три сезони за рекордни 5,136 милијарди фунти (во просек по 10,19 милиони од натпревар) - со 71% повеќе од претходниот пат. Тендерот за телевизиските права, кој е освоен од Sky и BT, како и во 2012 година, се очекуваше да собере до 4,4 милијарди фунти. Договорот е за три сезони, почнувајќи од 2016 година. Sky платила 4,176 милијарди фунти за пет од седумте телевизиски пакети, додека ривалот BT плаќа 960 милиони за другите два. Sky плаќа со 83% повеќе отколку за претходниот тендер пред три години. Телевизијата ќе плати 1,392 милијарди годишно, или 11,07 милиони по натпревар за правото да емитува 126 натпревари - со 10 повеќе отколку во моментов. Sky призна дека сумата што ја плаќа за правата, е околу 330 милиони над прогнозите на аналитичарите. BT плаќа со 18% повеќе од претходниот тендер, а го зголемува бројот на натпревари кои ќе ги пренесува во живо од 38 на 42 годишно. Таа ќе плати 320 милиони фунти за сезона. Новата сума е еднаква на 7,6 милиони фунти за натпревар. Главниот извршен директор на Премиер лигата Ричард Скадмор рече дека средствата добиени на аукцијата ќе бидат инвестирани од клубовите за подобрувања на стадионите, како и за развојот на младинските школи и други добротворни цели. K.K.