Колку данок треба да платите: На секои четири години нова проценка на вашиот имот

Добивај вести на Viber

Ревизија на пазараната вредност на недвижниот имот која всушност е основа на данокот на имот да се пресметува да се прави на секои четири години, предвидуваат новите заонски измени на Законот за данок на имот кои веќе стасаа во собрание. Со измените Владата планира да ги зголеми за три пати стапките за данокот на имот за недвижен имот кој не се користи од сопственикот или не се издава под закуп подолго од шест месеци во текот на годината. Од другите измени предвидено е за три пати да се зголемат стапките и за земјоделското земјиште  кое не се користи. Инаку доста повисоки се стапките доколку не се пријави некој имот. Имено во измените стои дека државата, општините, градот Скопје како и физичките и правни лица кои нема да пријават дека одреден недвижен имот не го користат, ќе платат данок кој ќе биде за пет пати повисок од пропишаниот.

„Се предлага ревизија на пазарната вредност на недвижниот имот (репроценка) која претставува даночна основа на данокот на имот од страна на општините, општините на град Скопје и Градот Скопје да се врши на секои четири години од причина што може оперативно односно на теренда има промена на фактичката состојба, а за која проценителите и општинската администрација не е запознаена и со тоа приходите во Буџетот на единиците на локалната самоуправа може во тековната година да бидат многу пониски од предвидените, стои во законот.

Инаку стапките за данок на имот остануваат исти како и во досегашното законско решение. И сега за имот кој се користи данокот ќе с епресметува пропорционално со стапка од 1,10 проценти до 0,20 проценти. Во посебен член сепак стои дека земјоделското земјиште кое не се користи има даночна стапка за три пати поголема од пропишаните

„Стапките  на данокот на имот за другиот недвижен кој е во сопственост на државата или на општините, општините во градот Скопје и на градот Скопје како и во сопственост на физички и правни лица а кој не се користи од сопственикот или не се издава под закуп подолго од шест  месеци во текот на една година, се зголемуваат за три пати во однос на стапките пропишани во ставот (1) на овој член, стои во измените

Регулирано е и дека во случај кога цената постигната во актот за пренос на правото на сопственост е повисока од пазарната вредност утврдена согласно Методологијата за проценка на пазарната вредност, даночна основа е цената постигната во актот за пренос на правото на сопственост.

Инаку законот ќе почне да се применува од 1 јануари 2022 година.

А.Т.