Колку е богата директорката на Негорци која стои зад боледувањето на Катица Јанева?

Добивај вести на Viber

Во август 2017 година беше назначена за директорка  заедно со уште четириесетина други директори на здравствени институции

Љуба Цилкова е актуелна како директорка на психијатриската болница во Негорци, а јавноста за неа ги начучли ушите кога дел од медиумите пренесоа дека токму таа е докторката која и напишала боледување на специјалната јавна обвинителка во оставка Катица Јанева. Цилкова, пак од друга страна е сопруга на Методи Циклов кој што е вработен во СЈО. И Катица и Љуба потекнуваат од Гевгелија.

Фактор „ѕирна во богатството“ на Циклова пријавено во Државна комисија за спречување корупција.

Од имотниот лист кој го пријавила оваа директорка станува јасно дека на лично име има само кредити и кредитни картички. Од заеднички имот Цилкова има куќа која е проценета на над 6 милиони денари, има над 330 м2 и се наоѓа во Гевгелија.

На име на брачен другар Љуба Цилкова има пријавено уште една куќа со двор но во Дојран која нема сума на проценета вредност но е поголема од таа во Гевгелија и е голема 350 м2.

На име на брачниот другар директорката пријавила и плац во Дојран кој има површина од 660 м2 и се наоѓа исто така во Дојран.

Според имотната состојба, на име на сопругот , Цилкови поседуваат две моторни возила Хјундаи и Сеат Ибица.

И.С.