Колку граѓани се откажале од македонското државјанство за една деценија?
Објавено во: Економија 09 Февруари, 2021
Нешто повеќе од 14.000 граѓани во рок од една деценија се откажале од македонско државјанство за да се стекнат со државјанство на друга земја.
Од 2010 заклучно со 2020, на годишно ниво во просек од македонско државјанство се откажувале од 1.000 до 1.500 луѓе. Во 2018 година најголем број граѓани се откажале, односно 1.621.
„Согласно Законот за државјанството на Република Северна Македонија во 2010 година 1.105 лица добиле отпуст од државјанство на Република Северна Македонија, во 2011 година 1.063 лица добиле отпуст, во 2012 година 1.104 лица, во 2013 година 1.215, во 2014 година 1.199 лица. Во текот на 2015 година 1.201 лице добило отпуст од државјанство на Република Северна Македонија, во 2016 година 1.476 лица, во 2017 година 1.526 лица, во 2018 година 1.621 лице, во 2019 година 1.326 лица и во 2020 година 1.240 лица добиле отпуст од државјанство на Република Северна Македонија. Државјаните на Република Северна Македонија добиваат отпуст од државјанство со цел да се стекнат со државјанство на друга држава која предвидела согласно со нивното национално законодавство, поседување само на едно државјанство“, одговараат од МВР.
Социологот Милева Ѓуровска вели дека овие бројки не се драматични и дека секоја држава си го уредува начинот на кој доделува државјанства.
„Тие бројки не се алармантни. Луѓето се иселиле, и се откажале од македонско државјанство за да стекнат друго државјанство. Тоа било услов и сметам дека никој не би се откажал од државјанство доколку тоа не било така, едноставно тоа е во прородата на човекот. Има држави кои тешко даваат државјанства, имаат критериуми, и не дозволуваат поседување на двојно државјанство. Сметам дека и Македонија треба да размислува во таа насока, да не дозволува поседување на повеќе од едно државјанство“, рече Ѓуровска.
Различни земји имаат различни правила за стекнување државјанство. Некои дозволуваат поседување два или три пасоши. Германија е земја која инсистира на речиси ексклузивно државјанство. Странец по правило може да стане Германец ако се откаже или го загуби своето дотогашно државјанство. Последниве години голем број наши граѓани заминуваат во Германија, поради добриот стандард и можност за подобар живот. На први јануари 2019 година во Германија се регистрирани 102.052 македонски државјани, објави Евростат. Во Швајцарија во истиот период имало 66.629 наши државјани. Зад неа е Италија, каде што се регистрирани 63.561 македонски државјани.
Сања Атанасовска* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ДВЕ ПОКРАИНИ СЕ ИЗДВОЈУВААТ: Има мало зголемување на невработеноста во Германија
Заеднички со Унгарија ќе се бориме против таксата на Бугарија за руски гас
ШЕСТ МИЛИОНИ ЕВРА ПЛАТЕНИ ЗА ЕДЕН ДЕН - „Крејон Македонија“ ја доби првата „сочна“ исплата за сајбер одбраната по новиот договор
СИТЕ САКААТ ДА БИДАТ „ФРИЛЕНСЕРИ“ - Кои се предностите на „гиг“ економијата
„Вози Мишко“ од јули до септември! 74.000 Македонци избрале автобус на летување на море и шопинг во странство
Бислимовски: Од утре официјално дневна евтина тарифа за струја
Генерали инвестментс: Црн петок и продажба од 9,8 милијарди долари во САД ?️
ГЕРМАНСКАТА ЕКОНОМИЈА ТОНЕ ПОРАДИ ЕДЕН МНОГУ ВАЖЕН ФАКТОР: Недостиг има кај 80 отсто од компаниите
