12 Декември, 2019
0.0252

Колку пари има во бизнисот со цигари?

Објавено во: Економија 19 Јули, 2019

Бизнисот со цигари и тутун и покрај многубројните строги ограничувања и останува економска дејност од која може да се егзистира пристојно.  Најголемата тутунска компанија во седиште во Македонија е „Империјал тобако ТКС Скопје“. Неговиот оперативен профит лани е 10 отсто од приходите од продажба

„Империјал тобако ТКС Скопје“ лани оствари приходи од продажба во износ од 33,6 милиони евра и добивка по оданочување во износ од 3,3 милиони евра, покажуваат официјалните податоци јавно достапни во извештајот на независната ревизија на најуспешната тутунска компанија во земјава , поранеше Тутунски комбинат Скопје кој е дел од меѓународната корпорација „Империјал тобако“.

Податоците покажуваат дека приходите од продажба лани во однос на 2017 година се пониски за 7,7 милиони евра односно за 19 отсто. Најголема расходна ставка во билансот лани биле материјалните трошоци на кои отпаднале 21,3 милиони евра. На трошоци за вработените лани биле издвоени 3,8 милиони евра, а вкупните трошоци од работењето изнесуваат 30 милиони евра и се за 6,1 милиони евра пониски од 2017 година.

Нето добивката на оваа компанија е 2,75 милиони евра и во споредба со 2017 година е пониска за 1,5 милиони евра.

Оваа компанија е во доминантна сопственост на словенечката тутунска компанија „Тобачна Љубљана“ која контролира 99 отсто од акциите со право на глас. Словенечката компанија е дел од групата „Империјал тобако Груп“ со седиште во Бристол, Велика Британија.

Во Империал тобако ТКС Скопје приближно 180 вработени произведуваат шест брендови цигари за домашниот пазар, од кои еден годинава слави 30 години на пазарот, кој истовремено има 30 отсто пазарен удел. Брендовите на Империал тобако во моментов имаат околу 60 отсто удел на македонскиот пазар. Оваа компанија во 2017 година за прв пати во период од 6 години исплати дивиденда во вкупен износ од13,3 милиони евра.

Само за споредба, единствениот домашно поседуван производител на цигари е прилепскиот „Тутунски комбинат“. Оваа компанија лани имала приход од продажба во износ од 15,4 милиони евра и има загуба поголема од 3 милиони евра.

Р.Ф. 

Можеби ќе ве интересира

Да се изгради гасно поврзување Струмица – Петрич, бараат македонските и бугарските бизнисмени

Да се изгради гасно поврзување Струмица – Петрич, бараат македонските и бугарските бизнисмени

Формирање на регионален енергетски пазар преку подобрување на енергетската поврзаност помеѓу Македонија и Бугарија

Формирање на регионален енергетски пазар преку подобрување на енергетската поврзаност помеѓу Македонија и Бугарија

УТРИНСКИ ФОКУС: Кои прилепски фирми ги прават најголемите пари

УТРИНСКИ ФОКУС: Кои прилепски фирми ги прават најголемите пари

Во Пробиштип денес се отвора инвестиција од 15 милиони евра

Во Пробиштип денес се отвора инвестиција од 15 милиони евра

Кој е најербап во Прилеп?

Кој е најербап во Прилеп?

НОСАТ ЛИ РИЗИК ПОВИСОКИТЕ ПЕНЗИИ: Светска банка предупредува - може да се поткопа одржливоста на пензискиот систем

НОСАТ ЛИ РИЗИК ПОВИСОКИТЕ ПЕНЗИИ: Светска банка предупредува - може да се поткопа одржливоста на пензискиот систем

Заев ја започнува акцијата „600 илјади багреми“ на автопат

Заев ја започнува акцијата „600 илјади багреми“ на автопат

Уште пред да влезе во сила, Законот за пазарџии заврши „неславно“

Уште пред да влезе во сила, Законот за пазарџии заврши „неславно“

Се укинува Законот за трговија на зелените пазари

Се укинува Законот за трговија на зелените пазари