Колку пари ќе заштедат превозниците преку „One stop shop“ на Табановце-Прешево

Добивај вести на Viber

Околу осум милиони евра годишно е сумата која се предвидува да ја заштедат превозниците со заедничкото гранично управување и контроли кое стартуваше денеска на ГП  Табановце Прешево

Преку  ГП Табавноце лани поминале околу 200 000 камиони, што е една четвртина од вкупниот промет на товарни возила, а годинава очекувањата се тој број да се зголеми за 30 проценти и да достигне 260 000.

Претставниците на бизнис заедниците од двете држави порачаа дека единствената контрола со една испостава е прв чекор за поефикасен проток на стоки, крај на редиците камионите на овој фрекфентен граничен премин, зголемување  на конкурентноста. 

Извршната директорка на стопанската комора Билјана Пеева Ѓуриќ истакна дека по 27 години од воспоставуавње на границата се реализира ваков проект.

– Со воспоставуавње на заедничкото гранично управување на македонско-српската граница како и неодамна реализираните инфраструктурни инвестиции на самиот патен правец кој е дел од Коридорот 10, истиот станува дополнително атрактивен што значи зголемување на конкурентските предности на целиот регион, рече Пеева Ѓуриќ на пуштањето во употреба на проектот на која присуствуваа и премиерите на двете држави.

Граничната контрола на патничкиот сообраќај од Србија кон државава од сите надлежни органи на двете држави ќе се одвива на македонска територија на ГП Табановце. За влез од државава во Србија  контролата се реализира на ГП Прешево. Во товарниот сообраќај, пак, при движење од Србија кон државава контролите се на наша територија на Табановце, а при движење од кај нас кон српската држава на граничниот премин Прешево.