Колку пари на граѓаните чуваат нашите банки на крај на јуни?

Добивај вести на Viber

На крајот на јуни Комерцијална банка чува најмногу пари на граѓаните, НЛБ Банка има најголем раст на депозити од граѓани во апсолутен износ, а процентуално најголем раст на заштеди има кај најмалата – Капитал банка

Граѓаните во „корона услови“ го зголемиле штедењето во домашните деловни банки за 108 милиони евра, покажуваат официјални податоци од банкарскиот сектор. Граѓанските депозити и штедни влогови во домашните банки се зголемени за 2,4 отсто за првите шест месеци годинава и на крајот на јуни изнесуваат 4,607 милијарди евра. Оваа вест е многу охрабрувачка за идното справување со негативните економски околности кои ги предизвика корона кризата. Многу поважен е психолошкиот момент односно фактот дека граѓаните веруваат во домашниот банкарски систем и не посегнале по своите заштеди туку напротив – го зголемиле депонирањето пари во деловните банки.

На крајот на јуни во 14 деловни банки граѓаните чувале 4,607 милијарди евра. Најмногу пари на македонските граѓани чува „Комерцијална банка“, најголем раст на депозитите има НЛБ Банка (во апсолутен износ), а најголем процентуален раст на депозитите на граѓаните има Стопанска банка Скопје.