20 Јануари, 2019
0.3021
    ALK 8300.96    -1.19%     GRNT 825    -1.05%     KJUBI 1543    -2.96%     KMB 5320    -0.58%     MPT 50000    -0.09%     MTUR 5050    -0.98%     OHB 6599.5    -0.01%     OKTA 4500    0%     RZLV 73    2.82%     STB 1244.42    -1.55%     STIL 118    -7.09%     TEL 302    0%     TNB 14989.86    -0.01%     UNI 2145    2.97%

Колку пари прави најголемата државна база на податоци?

Објавено во: Економија, Анализа 19 Октомври, 2018

Централниот регистaр на Македонија (ЦРМ) е најголемата и единствена релевантна база на податоци за сите правни лица во земјава. ЦРМ има 11 регистри за различни уписи и во многу случаи е единствена инстанца во државата која има релевантна информација која е корисна, а многу пати и пресудна при носење на деловни одлуки

Централниот регистар на Македонија (ЦРМ) е државна компанија која управува, ја одржува и надградува најголемата база на податоци во земјава. Таа води 11 регистри во кои се впишуваат деловни податоци за права и облигации и е од суштинско значење за целокупниот правен промет и за финансиското работење на сите правни лица во земјава. ЦРМ е единствената компанија од таков вид во земјава и едниствена која има монопол даден од државата и утврден со закони врз основа на кое ги врши сите свои дејности. ЦРМ е многу значајна, а во многу случаи и пресудна, за многу одлуки во бизнис заедницата затоа што располага и дава увид во податоци кои сите правни лица се обврзани да ги доставуваат. Увидот во тие податоци за секоја заинтересирана страна дава можност за носење на деловни одлуки.

ЦРМ лани остварил приходи од 5,38 милиони евра што е за 4,5 отсто поголем приход од оствареното во 2016 година. ЦРМ, според официјалната евиденција за тарифите, има регистар на повеќе од 80 услуги за кои напраќа од 70 до 100.000 денари во зависност од услугата што ја бара клиентот. ЦРМ има и бесплатни услуги, а тие се поврзани со електронска регистрација односно упис на основање на друштво. 
ЦРМ лани остварил добивка во износ од 651.600 евра што е солиден раст на профитот во споредба со 2016 година кога добивката била 363.000 евра. Според официјалните достапни податоци лани ЦРМ вработувал 294 лица и нивниот број е за 7 помал во споредба со 2016 година. 
ЦРМ има дирекција и регистрациска канцеларија во Скопје, а регистрациски канцеларии има во уште 28 градови во кои правните лица пријавуваат различни типови на податоци. ЦРМ води 11 регистри и во нив впишува најразлични видови на податоци. Најголеми регистри се трговскиот регистар и регистарот на годишни сметки кои се должи сите правни лица да ги доставуваат секоја година.

ЦРМ на својата веб страница секојдневно објавува најразлични видови на информации за правните субјекти кои ги доставуваат до нив правните лица. Тие информации при објавата се бесплатно достапни за сите заинтересирани страни. Една од главните општествени функции на ЦРМ е да ја подобри транспарентноста во македонската економија со тоа што голем обем на информации ги прави достапни за секоја заинтересирана страна без разлика дали е тоа бесплатно или се плаќа.

На веб страницата на ЦРМ не можат да се најдат податоци за менаџментот и друштвото од аспект на тоа кога е основано, каков тип на управување има едностепено или двостепено, кој е сопстевник на капиталот и колкава е основната главница. Но за пофалба е тоа што на бев страницата има можност за рекламација од клиент што не е честа пракса кај македонските државно поседувани друштва. 

Р.Ф.

Можеби ќе ве интересира

ФАКТОР НАЈАВУВА: Ексклузивно вкрстено интервју со Анѓушев и Азески

ФАКТОР НАЈАВУВА: Ексклузивно вкрстено интервју со Анѓушев и Азески

Тевдовски: Влезот во НАТО ќе биде катализатор на економскиот раст

Тевдовски: Влезот во НАТО ќе биде катализатор на економскиот раст

Сиромаштијата „не изеде“: Половина милион вработени Македонци живеат со минимални приходи

Сиромаштијата „не изеде“: Половина милион вработени Македонци живеат со минимални приходи

И делчевските тезги полупразни: Пазарџиите не знаат како ќе преживеат ако не се повлече законот

И делчевските тезги полупразни: Пазарџиите не знаат како ќе преживеат ако не се повлече законот

Само во продавниците во Косово: До цената на производот и знамето од земјата на потекло

Само во продавниците во Косово: До цената на производот и знамето од земјата на потекло

Министерството за финансии ангажира нов кадар за „Мини фини буџетчиња“, ќе има и медицинска сестра

Министерството за финансии ангажира нов кадар за „Мини фини буџетчиња“, ќе има и медицинска сестра

Власта се повлече од законот за пазарџиите, ќе се работи на нов

Власта се повлече од законот за пазарџиите, ќе се работи на нов

Анѓушев: Сите избори негативно влијаат врз економијата

Анѓушев: Сите избори негативно влијаат врз економијата

Тевдовски: „Фич“ ги потврди успешно спроведените фискални реформи

Тевдовски: „Фич“ ги потврди успешно спроведените фискални реформи