06 Јули, 2022
0.0266

Колку потроши „Вардар“ да стане европски шампион во ракомет?

Објавено во: Економија 22 Мај, 2018

Добивај вести на Viber

Македонската машка ракометна гордост „Вардар“ за да стане европски ракометен шампион вложи или потроши околу 8 милиони евра, покажуваат официјалните финансиски податоци. Замислете европскиот клупски ракометен шампион во сезоната 2016-2017, лани годината ја завршил со загуба од 44 милиони денари односно 712.000 евра

Најтрофејнот македонски ракометен клуб скопски „Вардар“ потроши речиси 8 милиони евра за да стане шампион на Европа, покажуваат официјалните податоци што ова акционерско друштво ги објави на интернет страницата на Македонската берза за хартии од вредност. 

Официјалните податоци за 2016 година покажуваат дека вкупните приходи на „Вардар“ биле 420 милиони денари односно 7 милиони евра. Таа година клубот ја завршил со добивка од 11 милиони денари. Ланската година, кога „Вардар“ и стана европски шампион вкупните приходи на клубот биле 412,22 милиони денари, а годината ја завршил со загуба од 44 милиони денари. Што значи дека буџетот на „вардарци“ за ланската година е околу 450 милиони денари.

Важно е да се истакне дека од 2015 година настанува фузија на акционерското друштво во кое функционира женскиот ракометен клуб „Вардар“ со РК „Вардар“ и во периодот од тогаш до сега едно акционерско друштво ги сервисира двата ракометарски клуба. АД РК „Вардар“ има основачки капитал од 80.000 евра, а негов сопственик е Сергеј Самсоненко.

Во сезоната 2016/2017 клубот го постигна и најголемиот успех, стана европски првак триумфирајќи на Ф4 турнирот во Келн. На патот до тој успех беа победени Барселона во полуфиналето, и ПСЖ во финалето.

Оваа сезона е особено за паметење бидејќи по третпат беше освоена и регионалната СЕХА Газпром лига со триумфот на Ф4 турнирот во Брест, Белорусија.

РК Вардар од Скопје е најуспешниот македонски клуб кој досега во Македонија има освоено 11 титули во домашното првенство и 12 во Купот. Тој е првиот победник на регионалната СЕХА Газпром лига каде има вкупно три триумфа. РК Вардар е основан во 1961 година, како дел од Спортското друштво Вардар од Скопје кое постои од 1947 година. Позначајниот подем на клубот почнува во последната деценија од минатиот век.

Во сезоната 2013/14, клубот доби и нова раководна структура. Нов сопственик на клубот е Сергеј Самсоненко, а Михајло Михајловски стана почесен претседател.

На европската ракометна сцена РК Вардар дебитираше во сезоната 1993/1994 во натпреварите од Купот на ЕХФ. Во ЕХФ Лигата на шампионите трипати стигна до четвртфиналето и тоа три сезони по ред, што досега не му успеало на ниту еден машки клуб во Македонија.

Р.Ф.

Можеби ќе ве интересира

Загребска берза стана втор најголем акционер во Македонската берза

Загребска берза стана втор најголем акционер во Македонската берза

КАТАКЛИЗМА! Цените на гасот отидоа до небо, европски гигант пред колапс-моќна европска земја подготви план за судниот ден!

КАТАКЛИЗМА! Цените на гасот отидоа до небо, европски гигант пред колапс-моќна европска земја подготви план за судниот ден!

ЕНЕРГЕТСКА КРИЗА: За осветлување на патиштата ќе плаќаме 7,7 милиони евра

ЕНЕРГЕТСКА КРИЗА: За осветлување на патиштата ќе плаќаме 7,7 милиони евра

АСИСТЕНТИ ЗА ПОДГОТОВКА НА ХРАНА НАЈБАРАНА ПРОФЕСИЈА ВО ЕВРОПА, информатичките и комуникациските професиналци на трето место

АСИСТЕНТИ ЗА ПОДГОТОВКА НА ХРАНА НАЈБАРАНА ПРОФЕСИЈА ВО ЕВРОПА, информатичките и комуникациските професиналци на трето место

Која е најпрофитабилна македонска индустрија? Над 39% од приходот останува како добивка!

Која е најпрофитабилна македонска индустрија? Над 39% од приходот останува како добивка!

Проблемите со снабдувањето „удрија“ по продажбата на германски автомобили во јуни

Проблемите со снабдувањето „удрија“ по продажбата на германски автомобили во јуни

„ШЕЛ“ ПРОНАЈДЕ НАФТА И ГАС ВО АЛБАНИЈА: Важно откритие кое ќе влијае на иднината на регионот и Европа

„ШЕЛ“ ПРОНАЈДЕ НАФТА И ГАС ВО АЛБАНИЈА: Важно откритие кое ќе влијае на иднината на регионот и Европа

Расте вредноста на доларот

Расте вредноста на доларот

ЕВРОПА Е ПРЕД КРАХ, ГАСОТ СТАНА ДВИЖЕЧКА СИЛА ВО НОВАТА СТУДЕНА ВОЈНА: Цените повисоки и до 700 отсто

ЕВРОПА Е ПРЕД КРАХ, ГАСОТ СТАНА ДВИЖЕЧКА СИЛА ВО НОВАТА СТУДЕНА ВОЈНА: Цените повисоки и до 700 отсто