20 Јули, 2024
0.0258

Колку заработија лани двете најголеми нови инвестиции во електроенергетиката?

Објавено во: Економија 09 Јули, 2024

Добивај вести на Viber

Првиот приватен ветерен парк „Богословец“ на „Тхор Импекс“ и најголемата фотоцентрала во земјата на „Меј Енерџи“, позната како „ФЕЦ Новаци“, лани во својата прва година од работењето, односно од пуштањето во употреба, оствариле вкупен приход од 8,1 милиони евра. Тие наедно лани беа најголемите инвестиции во електроенергетиката што беа пуштени во употреба лани.

Според податоците од Централниот регистар, „Тхор Импекс“ со лиценца за пробна работа остварил приход од 4,75 милиони евра без ниту еден вработен, додека „Меј Енерџи“ која работеше само во последните четири месеци од 2023 има 1,36 милиони евра од произведената електрична енергија, обезбедена со 19 вработувања. Тешко е да се каже колку била добивката на двата инвеститори кои го користат македонскиот ветар и сонце за правење пари, затоа што станува збор за започнувањето со работа во текот на самата година со големи инвестициски задолжувања. Ветерниот парк има финансиско задолжување од околу 19, а фотонапонската централа од околу 22 милиони евра.

„Меј Енерџи“ е половина во сопственост на македонскиот бизнисмен Ферки Демировски, познат и по тоа што е сопственик на фабриките на АТС Груп за воена опрема за специјалните НАТО сили. Останатата половина е во сопственост на двајца бизнисмени од Турција.

Фотоцентралата на оваа компанија ,ФЕЦ Новаци” представува првата приватна фотоволтаична централа која е воедно и најголема од ваков вид на Балканот. Истата се наоѓа во општина Новаци на локација со вкупна површина од 57 хектари со моќност од 55 мегавати.

„Тхор Импекс“ е во сопственост на Б Н Б – Компани ДОО експорт-импорт Скопје и Грин фор Гроутх Фонд, Југоисточна Европа СА, СИЦАВ-СИФ, Луксембург. Нивниот ветерен парк „Богословец“ има моќност од 36 мегавати и се наоѓа на територијата на општините Свети Николе и Штип.

Според податоците на националниот оператор на пазарот на електрична енергија МЕМО, „Богословец“ за нешто повеќе од 11 месеци во 2023 произвел 50 милиони киловатчасови електрична енергија, додека „ФЕЦ Новаци“ за четири месеци, колку што работела лани, има повеќе од 18 милиони киловатчасови.

Не е познато на кого се продадени овие количини на струја, но извесно е дека тие најверојатно завршиле на странските берзи, со оглед на тоа што во 2023 извозот на електрична енергија од Македонија беше речиси колку увозот.

Во целата ситуација сигурно е само тоа дека земјата, ветарот и сонцето се на Македонија, а прашање е кој е бенефитот за македонската економија и животен стандард.

А.К.

Можеби ќе ве интересира

НОВ РАСТ НА БРОЈОТ НА ПРЕТПЛАТНИЦИ - новите пакети на Нетфликс дадоа резултати

НОВ РАСТ НА БРОЈОТ НА ПРЕТПЛАТНИЦИ - новите пакети на Нетфликс дадоа резултати

ПРВОТО РОЧИШТЕ ЌЕ БИДЕ НА 8 ОКТОМВРИ - отворен е стечајот на „Вартекс“, доспеаните кредити се над 16 милиони евра

ПРВОТО РОЧИШТЕ ЌЕ БИДЕ НА 8 ОКТОМВРИ - отворен е стечајот на „Вартекс“, доспеаните кредити се над 16 милиони евра

Србија ѝ го даде литиумот на Германија, Вучиќ: Немаме море и гас, ова ќе донесе 6 милијарди евра

Србија ѝ го даде литиумот на Германија, Вучиќ: Немаме море и гас, ова ќе донесе 6 милијарди евра

Централата ТЕ-ТО исклучена поради невремето

Централата ТЕ-ТО исклучена поради невремето

ДОБИ ПРИЛИЧНО СОЛИДНИ ПАРИ, НО ПРАШАЊЕТО Е ЗОШТО ПРОДАВА - “Настел“ се сведе на 9,1 отсто акции во „Реплек“

ДОБИ ПРИЛИЧНО СОЛИДНИ ПАРИ, НО ПРАШАЊЕТО Е ЗОШТО ПРОДАВА - “Настел“ се сведе на 9,1 отсто акции во „Реплек“

„САМО ДО 2028, НИЕ ГРАЃАНИТЕ ТРЕБА ДА ВРАТИМЕ 1,8 МИЛИЈАРДИ ЕВРА ПО ОСНОВ НА КАМАТИ“: Левица за финансиската состојба во земјава

„САМО ДО 2028, НИЕ ГРАЃАНИТЕ ТРЕБА ДА ВРАТИМЕ 1,8 МИЛИЈАРДИ ЕВРА ПО ОСНОВ НА КАМАТИ“: Левица за финансиската состојба во земјава

СИТНИ АКЦИОНЕРИ ПРОДАВААТ, ШВАЈЦАРСКИ „ДУФЕРКО“ КУПУВА - големиот странски сопственик ги зајакнува позициите во „Макстил“

СИТНИ АКЦИОНЕРИ ПРОДАВААТ, ШВАЈЦАРСКИ „ДУФЕРКО“ КУПУВА - големиот странски сопственик ги зајакнува позициите во „Макстил“

НЕВЕРОЈАТНО: Во Агенцијата за вработување останале непотрошени 42 милиони евра

НЕВЕРОЈАТНО: Во Агенцијата за вработување останале непотрошени 42 милиони евра

Божиновска на Самитот на шефовите на држави и влади на членките на Европската политичка заедница

Божиновска на Самитот на шефовите на држави и влади на членките на Европската политичка заедница