Комората им нареди да не работат, се нудат пари за информација за убиецот
Објавено во: Балкан 29 Јули, 2018
Адвокатската комора на Србија им наложи на сите адвокати од утре да престанат со работа, во знак на протест поради убиството на познатиот адвокат Драгослав Миша Огњановиќ, познат по тоа што има брането спорни личности од српската историја, и понуди парична награда за тој што ќе обезбеди информација која ќе доведе до апсење на убиецот.
Огњеновиќ вчера вечер беше застрелан пред влезот на неговата зграда во Белград. Во текот на својата кариера Огњановиќ (57) му бил адвокат на Лука Бојовиќ, водачот на „Земунскиот клан“, како и на Слободан Милошевиќ пред Хашкиот трибунал, и на неговата сопруга Мира Марковиќ.
Според локалните медиуми, во нападот, кој е извршен пред влезот на зградата во која живее, бил повреден и неговиот 26-годишен син. Еден очевидец тврди дека по истрелите видел маж облечен во црно, со качкет на главата, како бега од местото на злосторството.