Коњско на тапет! Охрид носи планови, Инспекторатот ги спори
Објавено во: Македонија 06 Декември, 2012
Според Државниот инспекторат за градежништво и урбанизам Деталниот урбанистички план за катастарската општина Коњско, како дел од туристичкиот комплекс „Св. Стефан“,а беше донесен на 28 ноември годинава од Советот на Општина Охрид, отстапува од одредбите пропишани за донесување урбанистички планови. Затоа Инспекторатот побара стопирање на примената на Одлуката на Советот за Коњско.
Како што соопштуваат од Инспекторатот, при контролата констатирано е дека во текот на постапката ДУП е работен спротивно од методологијата и одредбите на законот, како и дека не е во согласност со намените предвидени во Генералниот урбанистички план за тој дел и не се почитувани во целост одредбите на Законот за просторно и урбанистичко планирање. Затоа Државниот инспекторат му укажал на градоначалникот на Охрид да постапи согласно Законот и да побара од надлежните комисии да ги отстранат неправилностите како и да се поништи Одлуката од 28 ноември 2012 година.Инспекторатот упати и апел до градоначалникот и одговорните служби во општината Охрид доследно да ги почитуваат одредбите пропишани во Законот за просторно и урбанистичко планирање и правилниците за негово спроведување при водење на постапките за донесување урбанистичко планска документацијата. Исто така ги повика и членовите на Советот преку комисии на Советот да ја следат работата на градоначалникот и одговорните служби со цел да не се доведуваат во слични ситуации.
Можеби ќе ве интересира
ВЕВЧАНЦИ: Се работи за популарните зомби по филмовите и немаат никаква поврзаност со Зијадин Села
МУЦУНСКИ: Oдбележуваме еден многу неславен јубилеј, 20 години од стекнување на кандидатскиот статус
НЕ СПОДЕЛУВАЈТЕ ЛИЧНИ ПОДАТОЦИ: Креиран е лажен профил со податоци на Венко Филипче
Државен завод за ревизија: Имаме 100 скривници, ДЗС ги има запуштено
НА МЛАД ПАЦИЕНТ Е ИЗВРШЕНА УСПЕШНА ТРАНСПЛАНТАЦИЈА НА КОСКА: Корегиран деформитет на стапалото од церебрална парализа
„Атентат“ на Зијадин Села на Вевчанскиот карневал, ДУИ реагира
ТОШКОВСКИ СЕ НАЛУТИ: Може за Македонците да збориме? Еднаш во својот говор не спомнавте Македонци, или Срби, или Турци.....
