23 Септември, 2020
0.0697

„Корона чао“!!! Која фирма ќе исплати 8 милиони евра дивиденда?

Објавено во: Економија 16 Септември, 2020

И прилепскиот Мермерен комбинат „го проласи за мртво корона вирусот“. Компанијата одлучи на своите акционери да исплати 8 милиони евра дивиденда , 1,7 евра бруто износ по акција и тоа 4,6 милиони евра акумулирана добивка од претходни години и 3,4 милиони евра од добивката лани. Државата ќе се офајди околу 800.000 евра од даночните зафаќања на добивката што се распределува како дивиденда

Каменот, а особено мермерот е многу доходовен и вносен бизнис. Прилепскиот Мермерен комбинат уште еднаш покажа особена грижа за своите акционери. Компанијата одлучи на претстојно акционерско собрание да си одвои од добивката за лани и од акумулирана добивка од претходниот период и да ги подели како дивиденда. Вкупно друштвото ќе подели 8,06 милиони евра дивиденда која ќе биде исплатена на акционерите на 30 октомври годинава.

Последен ден за тргување со право на дивиденда ќе биде 28 октомври годинава, а акционерското собрание е закажано за 16 октомври годинава. Последната цена на оваа акција на берзата е постигната на 20 април годинава и изнесувала 2.500 денари. Тоа значи дека дивидендниот принос во однос на последната пазарна цена е помал од 4 отсто.

Само информативно ова прилепско друштво кое одамна беше продадено на грчки компании специјализирани за експлоатација и обработка на мермер лани оствари профит поголем од 20 милиони евра. Сепак мора да се признае дека за разлика од лани, годинава Мермерен комбинат ќе подели дивиденда што е за 65 отсто пониска од дивиденда што ја подели за работењето во 2018 година (според официјалните податоци на СЕИ НЕТ платформата таа изнесувала 299,44 денари).

Прилепската компанија, најголем македонски производител на мермер, е во доминантна сопственост на две странски правни лица. Мнозински сопственик е холандската компанија за производство и продажба на мермер „Стоун Воркс Холдинг Кооператиф“ која поседува 89,25 отсто од акциите и грчката „Пиреус банка“ која како старател управува 10 отсто од акциите на компанијата. Останатите околу 35.000 акции со право на глас се сопственост на домашни акционери физички лица и за нив во бруто износ ќе бидат исплатени околу 60.000 евра.

Р.Ф. 

Можеби ќе ве интересира

Ќе се гради пруга од Кичево до границата со Албанија

Ќе се гради пруга од Кичево до границата со Албанија

Грчката економија има кондиција за втор целосен карантин

Грчката економија има кондиција за втор целосен карантин

Просечната плата скокна - СДСМ се пофали дека нивните политики дале резултат

Просечната плата скокна - СДСМ се пофали дека нивните политики дале резултат

ЧОВЕК ОД ДОВЕРБА НА МИЦКОСКИ И ГЛАВНА ЗА ФИНАНСИИ ВО ПАРТИЈАТА - Димитриеска-Кочоска отсега и во Извршниот комитет на ВМРО-ДПМНЕ

ЧОВЕК ОД ДОВЕРБА НА МИЦКОСКИ И ГЛАВНА ЗА ФИНАНСИИ ВО ПАРТИЈАТА - Димитриеска-Кочоска отсега и во Извршниот комитет на ВМРО-ДПМНЕ

Ќе се намали ДДВ за повеќе услуги: Повисок праг за обврзниците на овој данок

Ќе се намали ДДВ за повеќе услуги: Повисок праг за обврзниците на овој данок

Топ-5 најголеми плати во Македонија: Фармацевтите пред банкарите

Топ-5 најголеми плати во Македонија: Фармацевтите пред банкарите

Македонскиот текстил во магацините во странство: Нема нови нарачки, компаниите пред банкрот

Македонскиот текстил во магацините во странство: Нема нови нарачки, компаниите пред банкрот

Колку пари прават водечките светски модни брендови на нашиот пазар?

Колку пари прават водечките светски модни брендови на нашиот пазар?

Дарежливиот газда од Охрид го следи трендот на добра заработувачка од станови во градот

Дарежливиот газда од Охрид го следи трендот на добра заработувачка од станови во градот