КОРОНА СЕ ПОЈАВИ И ВО КОСОВО: Потврдени се два случаи
Објавено во: Балкан 13 Март, 2020
Потврдени се првите два случаи на заразени од коронавирус во Косово.
Косовскиот премиер Албин Курти и министерот за здравство Арбен Витиа на вонредна прес-конференција попладнево објавија дека се регистрирани првите два случаи на заразени од коронавирус во земјата, јави дописникот на МИА од Приштина.
Витиа информира дека се работи за 20-годишна италијанска државјанка и 77-годишен косовски државјанин.
Курти најави дека за вечерва е закажана вонредна седница на Владата за ситуацијата со коронавирусот, на која ќе се одлучува и за евентуалното затворање на граничните премини.Во регионот, во Загреб денеска е откриено дека е заразено дете кое одело во градинка.
Во земјава има четири нови случаи.