Косово ќе гради автопат до Македонија, проектот тежи 793 милиони евра

Добивај вести на Viber

Автопатот кој е планиран да ја поврзе Македонија со Косово, според косовската Влада ќе чини 793 милиони евра. Автопатот претставува продолжување на трасата Врмица-Мердаре, која пак претставува продолжение на автопатот Драч-Кукс-премин Морина (на албанско-косовската граница). Како што јавуваат косовските медиуми, проектот треба да почне во 2013, за чија цел косовската Влада со буџетот за наредната година издвои 30 милиони евра, а за целиот проект, очекува поддршка и од Светска банка. Инаку Косово треба да има 300 илјади евра на банкарскиот биланс, како услов да почне со изградба на автопатот. Во билансот на крајот од оваа година се очекува да има 200 милиони евра, што подразбира дека во банкарскиот биланс треба да се слеат пари и од приватизациите за да се исполни условот од 300 милиони евра. Автопатот не почнува од Приштина, туку од Липљан каде ќе има голем кружен тек, кој ќе биде и прва клучка на автпатот, кој ќе го поврзува косовскиот главен град со граничниот премин Блаце, на границата со Македонија. Со цел трасата да добие што подобра насока, реката Лепенец ќе биде пренасочена. Максимално дозволената брзина на автопатот ќе биде 120 километри, ќе има три тунели, најголемиот ќе биде кај Качаник, со должина од 2,2 километра, како и десетина мостови.