Косовскиот суд пресуди, казна за вмешаните во нелегална трансплантација на органи

Добивај вести на Viber

По над 100 судски рочишта од октомври 2011 година, Основниот суд во Приштина со изрекување на затворски и парични казни го затвори случајот „Медиус“ во кој за нелегална трансплантација на органи беа обвинети Љутфи Дервиши, уролог и сопственик на клинката, неговиот син Арбен Дервиши, лекарите Дритан Јилта, Сокол Хајдини, Сулејман Дула и Ислам Битиќи, како и поранешниот секретарот на Министертвото за здравство, Илир Рецај.

Судот изрече казна од осум години затвор и 10.000 евра за Љутфи Дервиши, а неговиот син Арбен доби седум години и три месеци затвор и парична казна од 2.500 евра, јавија косовските медиуми.

На Сокол Хајдеини му е изречена затворска казна во траење од три години, додека на Дритан Јилти и Илир Рецај се ослободени. Ислам Битичи и Сулејман Сула добиле по една година затвор и по две условно, на Љутфи Дервиши му е одземена лиценцата на две години, а сите погодени во случајот „Медикус“ ќе бидат обештетени со 15 ијади евра, кои треба да ги платата таткото и синот Дервиши.

Според обвиненето, на клиниката близу Приштина биле извршени 30-тина нелегални трансплантации на бубрег. Од сиромашни луѓе од Турција, од Русија, од Молдавија и од Казахстан биле отстранувани бубрези за кои ги излажале дека ќе добијат до 15.000 евра за бубрег. Подоцна органите се продавале на богати пациенти, кои плаќале над 70.000 евра за трансплантација.

„Медикус“ е затворена во 2008 година, а во извештајот на Советот на Европа се наведува дека припадниците на Ослободителната војска на Косово тргувале со органите на заробениците за време на судирот.