Косовскиот телеком во рацете на Хезболах наместо кај Олбрајт?

Добивај вести на Viber

Либанска компанија блиска до Хезболах, е главен конкурент за приватизација на Косовската Пошта и Телеком, бидејќи од трката се повлече „Олбрајт Капитал Менаџмент“ во сопственост на некогашната државна секретарка на САД, Медлин Олбрајт, пишува приштинскиот весник „Зери“, Се шпкулира дека либанската компанија „МИ Интернационал Лимит“ остана најголем конкурент за приватизација на „Пошта телеком Косово“ после повлекувањето на „Олбрајт Капитал Менаџмент“ во сопственост на некогашната државна секретарка на САД, Медлин Олбрајт и повлекувањето на поранешниот дипломат Џејмс Пердју од лобирање за конзорциумот „Авицена“, пишува приштинскиот весник „Џери“. „МИ Интернационал Лимит“ е дел од групата „МИ“, корпорација која е во сопственост на либанскиот премиер Наџиб Микатиј и неговиот брат Таха Микатиј. Наџиб Микатиј во 2011 година за местото премиер го именуваше шиитското исламистичко движење Хезболах, после падот на либанската влада за национално единство. Според изворите на весникот „Зери“, инволвирани во процесот на приватизација на Пошта телеком Косово, доколку либанската копорација победи на конкурсот, а за што постојат големи шанси, сликата за Косово во очите на западните инвеститори уште повеќе ќе се влоши. Хезболах е проиранска шиитска организација, која често се служи со воени средства за постигнување на политички цели.