Ковачевски: Ништо не се прави позади грб и затоа постојат разговори
Објавено во: Македонија 20 Јануари, 2022
Доминантно разговаравме на кој начин да ја вратиме довербата, изјави премиерот Димитар Ковачевски во емисијата „Само интервју“ на ТВ Канал 5 за средбата со бугарскиот колега Кирил Петков.
Вели дека ништо не се прави поразди грб и затоа има разговори.
„Јас не се врзувам за датуми и кажав дека сум рационален оптимист, што значи работам, да се оствари нашата соработка. Имам пристап дека треба брзо да стигнеме до решение, но никако да не избрзуваме. Квалитетно решение во кое ќе се задржи достоинството на македонските и бугарските граѓани и ќе биде донесено во духот на европските вредности, согласно правилата на ЕУ, потенцира Ковачевски, најавувајќи дека ќе предводи владина делегација на 25 јануари во вторник во Софија каде ќе се реализира меѓувладина седница со премиерот Кирил Петков кој ќе ја предводи владината делегација на Република Бугарија.
Вели дека за јазикот и идентитетот не се приговара. Петков на 18-ти месецов ја посета Македонија.