Крешник Бектеши: Хотелите на Шапка одат под директна приватизација, следната година јавен повик
Објавено во: Економија 16 Ноември, 2020
Крешник Бектеши, министерот за економија, денеска најави дека следната година ќе биде објавен јавниот повик за приватизација или преземање под јавно-приватно партнерство на туристичкиот центар на Елем Турс на Попова Шапка.
- Ние уште пред кризата ги завршивме подготовките за физибилити студијата и due diligence , но не само таму, туку и на сите објекти на Елем Турс, рече Бектеши, одговарајќи на новинарско прашање.
Министерот потврди дека е испратена понуда до Косово за заеднички настап во барањето на партнер, а доколку не пристигне одговор, Македонија ќе продолжи сама понатаму.
- Следната година ќе следува јавен повик за ски-центарот за целосна приватизација или јавно-приватно партнерство. Елем Турс тука има хотелски објекти, кои пак ќе одат во директна приватизација, наведе Бектеши.