Кривична пријава за струмичанка, фалсификувала ПЦР тестови за патници во странство
Објавено во: Македонија 06 Февруари, 2022
СВР Куманово поднесе кривични пријави против В.М.(51) од Струмица, поради постоење основи на сомнение за сторено кривично дело „фалсификување исправа” откако изработила негативни ПЦР тестови за 11 лица од Струмица и Радовиш кои требало да патуваат во странство.
Кривични пријави се поднесени и против патниците - С.Ј.(25) од Радовиш, Р.М.(24) од Струмица, О.Ј.(23) од Радовиш, Џ.С.(43) од Радовиш, М.Р.(25) од Радовиш, С.С.(18) од Радовиш, Е.С.(47) од Радовиш, Е.Д.(65) од Радовиш, К.Р.(23) од Радовиш, С.Д.(67) од Радовиш и А.М.(24) од Струмица, поради постоење основи на сомнение за сторено кривично дело „употреба на исправа со невистинита содржина”.
Струмичанката во текот на 2021 година изготвувала фалсификувани ПЦР тестови за Ковид-19 и ги продавала на лица кои имале потреба да патуваат во европските земји.
Единаесетте патници на 9 октомври 2021 ги приложиле фалсификуваните тестови на Граничен премин „Табановце“.