19 Февруари, 2019
0.3133
    ALK 8332.7    0.76%     BESK 9001    0%     BUTE 3000    0%     FERS 75000    0.81%     GRNT 810.71    -0.57%     KMB 5419.1    0.7%     MTUR 5100    0%     OHB 6700    0.74%     POPK 25    25%     RZIN 123    2.5%     RZLV 100.09    -1.87%     RZUS 98    -9.26%     SBT 2338.64    2.49%     STB 1249.23    1.56%     STBP 926    -9.92%     TEL 310.67    0.22%     TTK 1380    0%

КРУШЕВО И БЕРОВО: Две оази со чист воздух, бега ли таму народот за викенд?

Објавено во: Македонија 06 Декември, 2018

Берово и Крушево се две палнински гратчиња каде има чист воздух, за разлика од Скопје, Тетово, Куманово, Битола, па и Струмица кои се екстремно загадени.

Со 1.350 метри надморска височина, Крушево претставува највисокиот град на Балканот, додека Берово е на 986 метри надморска височина во Малешевијата. Жителите на овие две гратчиња велат дека немаат индустрија, нема фабрики, нема работа, ама чист воздух има. Градовите се мали, така што секаде може да се отиде пеш.

„Крушево отсекогаш имало чист воздух и никогаш немало загадувачи. По 30 јануари има два - три дена со магла, но тоа е многу кратко. Сите постари луѓе кои заминале од овде поради егзистенција, а куќите не ги продале, се враќаат, седат по 10- 15 дена колку да ги наполнат батериите. Ние постарите сме врзани за Крушево, можеби заради годините.  И младите доаѓаат за викенди како туристи. Петок, сабота, недела има гости од други места“, вели крушевчанка која издава вила за туристи.

Жаклина Реџовска, екологист од Берово вели дека во однос на Скопје, Берово има многу почист воздух, но сепак не е како порано.

„Сега во Берово има парно во многу домаќинства, луѓето не внимаваат, горат и гуми, јаглен, така што не е како порано. Но, во излетничките населби во Берово воздухот е чист. Луѓето се иселуваат и ретко се случува некој од постарите да се врати овде дури и да има куќа“, вели Реџовска.

Мирјана Дудуковска, веќе 8 години живее во Берово, откако се пензионирала. Вели дека забележува голема разлика меѓу воздухот во Скопје и Берово.

„Визуелно таа разлика ја забележувам, затоа што кога ќе дојдам во Скопје се гушам, а во Берово штом се вратам одам пеш за да ги испразнам белите дробови и да дишам чист воздух. Берово има зеленило, шума, нема индустрија, нема толку згради“, смета Дудуковска.

Додава дека младите го напуштаат градот, и единствено греењето на дрва може да придонесе за некоја мала загаденост на воздухот, која е незначителна во однос на она што го има во другите градови.

Во одредени скопски населби деновиве се измерени над 500 ПМ 10 честички на 100 микограми воздух, што е поразително.

Скопје со денови е во топ 10 најзагадени градови во светот.

Состојбата беше подобра синоќа, најверојатно поради ветерот, по што Скопје се симна од „црната листа“ и беше 49-ти најзагаден град во светот. 

Сања Атанасовска

фото Википедија

Можеби ќе ве интересира

СООБРАЌАЈКА ВО ТЕТОВСКО: Загина повозрасен маж

СООБРАЌАЈКА ВО ТЕТОВСКО: Загина повозрасен маж

ФОКУС НА ДЕНОТ: Ахмети и Заев бараат кандидат за претседател, ОЈО повикува сведоци, премиерот и Силјановска си разменија критики

ФОКУС НА ДЕНОТ: Ахмети и Заев бараат кандидат за претседател, ОЈО повикува сведоци, премиерот и Силјановска си разменија критики

Се бара притвор за осомничени за трговија со оружје

Се бара притвор за осомничени за трговија со оружје

Силјановска до Заев: Не сакам да бидам дел од концептот од ПИОМ да исчезнат 19 милиони

Силјановска до Заев: Не сакам да бидам дел од концептот од ПИОМ да исчезнат 19 милиони

Неколку функционери најавиле дека нивните блиски ќе се откажат од вработувањата?

Неколку функционери најавиле дека нивните блиски ќе се откажат од вработувањата?

НОВИ ОБВИНУВАЊА ЗА НЕПОТИЗАМ: На тапет Милева Ѓорѓиева

НОВИ ОБВИНУВАЊА ЗА НЕПОТИЗАМ: На тапет Милева Ѓорѓиева

Прибе: Искрено бевме скептични дека ратификацијата ќе помине лесно

Прибе: Искрено бевме скептични дека ратификацијата ќе помине лесно

Заев за Силјановска: Во ниту еден сегмент не даде поддршка на тоа што цел свет го поддржува

Заев за Силјановска: Во ниту еден сегмент не даде поддршка на тоа што цел свет го поддржува

Дескоска: Почестена сум да бидам првиот министер од Северна Македонија гостин во Грција

Дескоска: Почестена сум да бидам првиот министер од Северна Македонија гостин во Грција