Добивај вести на Viber
Претседателот на комората на Северозападна Македонија Мендерес Кучи, кој даде оценка за говорот на министерот Зоран Ставрески на инвестицискиот самит во Охрид, рече дека половина од работите што ги кажал министерот не се вистинити.
- Половина од говорот на Ставрески, во кој тој зборуваше за добрите и позитивни економски текови за македонската економија не се вистинити, им рече Кучи на новинарите на самитот во Охрид.
Кучи, дури, и на своите колеги бизнисмени од дијаспората им објаснувал дека работите не се толку добри како што се претставуваат, кога видел дека тие се одушевени од говорот на министерот.
- Не би требало се да земаат здраво за готово, вели Кучи.
Тој, сепак смета дека ваквите собири се добри, но, за навистина да дојдат бизнисмените од дијаспората потребни се директни контакти за да се разменат искуствата, смета претседателот на Комората на Северозападна Македонија, Мендерес Кучи.
Министерот Ставрески рече дека не би сакал да влегува во полемика со Кучи, но смета дека најдобар демант на неговата изјава, се извештаите на меѓународните финансиски институции, кои го потврдуваат високиот рејтинг на македонската економија.