КУМАНОВО: Веќе излекувани пациенти, повторно се заразиле
Објавено во: Македонија, Корона Вирус 29 Јуни, 2020
Се испитува дали коронавирусот се вратил кај веќе излекувани пациенти од Куманово.
За ова информираше денеска министерот за здравство Венко Филипче.
„Има еден случај којшто треба да се потврди во Куманово, но во светот има веќе такви потврдени случаи. На што се должи тоа, сега во овој момент науката сѐ уште не одговорила со сигурност. Има некои иницијални докази дека станува збор за некаква форма на мутација на вирусот. Каква е таа форма, дали е силно или послабо изразена, сѐ уште нема докази“, изјави Филипче.
Филипче рече дека поради непочитувањето на мерките за заштита се зголемува бројот на заболени.
Надлежните од кумановската општа болница денеска потврдија дека двајца нивни вработени, повторно се заразени од вирусот.