19 Јануари, 2022
0.0227

„КУПИ ДЕН ПОМИНИ“ СО АД ВОДОСТОПАНСТВО: Нов спас од Владата со 1,5 милиони евра, ама до кога?

Објавено во: Економија 14 Јануари, 2022

Нов свеж капитал за спас на АД Водостопанство на Македонија. Државното акционерско друштво ќе издаде хартии од вредност по пат на приватна понуда. Третата емисија веќе ја одобри Комисијата за хартии од вредност, а според проспектот ќе бидат издадени 93.000 обични акции во вкупна вредност од 93 милиони денари или 1,5 милиони евра.

„Со третата емисија на обични акции, АД „Водостопанство на Република Северна Македонија" во државна сопственост, врши зголемување на основната главнина со трансформирање на заем даден од страна на единствениот акционер на Друштвото во влог, во согласност со Законот за трговските друштва и Законот за хартии од вредност и подзаконските прописи. Зголемувањето на основната главнина со издавање на нови обични акции е заради создавање услови за непречено функционирање на друштвото. Емисијата е наменета за познат купувач – единствениот акционер на Друштвото - Влада на Република Северна Македонија, стои во известувањето на Комисијата за хартии од вредност.

АД Водостопанство е едно од акционерските друштва во државна сосптвеност за кое во неколку наврати имаше владина поддршка и пари за спас. Во текот на изминативе две години друштвото се соочува со неможност да ги сервисира обврските, па дури и да подели плати за вработените. На почетокот на декември лани Владата на седница донесе одлука за прераспеделба на буџетски средства за да им се помогне на повеќе јавни претпријатија межу кои беше и „Водстопанство“.

Подоцна тој месец биле исплатени пари на неколку јавни претпријатија и акционерски друштва во државна сопственост

„Фактор“ веќе објави дека АД „Водостопанство“, претпријатието за наводнување и одводнување, добило 100 милиони денари, а претходно на крајот на 2020 година за ова друштво беа исплатени 600.000 евра

Од друга страна во август лани беше обелоденето дека Владата подготвува пакет помош од 200 милиони денари за акционерското друштво во државна сопственост, а тоа веќе било разгледувано на последната владина седница  АД „Водостопанство“ поради проблемите со кои се соочува веќе побарало државна помош. И самиот премиер Зоран Заев рече дека парите ќе се префрлат до крајот на годината.

Загубата од 28 милиони денари на крајот од 2020 ја прикажува реалната состојба на „Водостопанство“. Еднаш веќе доби 600.000 евра од Владата на крајот од минатата година за полесно справување со последиците од пандемијата. Во 2019 претпријатието добило бескаматна позајмица од 1,5 милиони евра од Министерството за финансии, која до крајот на минатата година не е вратена иако рокот истекол.

А.Т.

Можеби ќе ве интересира

Нафтата ќе надмине 100 долари за барел

Нафтата ќе надмине 100 долари за барел

СИНДИКАТОТ ПОРАЧУВА: Ќе има протести и ќе блокираме се ако се укине правото на недела неработен ден

СИНДИКАТОТ ПОРАЧУВА: Ќе има протести и ќе блокираме се ако се укине правото на недела неработен ден

ХАЏИДИНЕВ ЗА ФАКТОР: Во 2022 година планираме емисија на нова перпетуална обврзница

ХАЏИДИНЕВ ЗА ФАКТОР: Во 2022 година планираме емисија на нова перпетуална обврзница

НОВ СКОК НА ЦЕНИТЕ: Од денес точиме горива поскапо

НОВ СКОК НА ЦЕНИТЕ: Од денес точиме горива поскапо

ЧЕТВОРИЦА ГАЗДИ ЗАРАБОТИЈА КЛУЧ НА ВРАТА ЗОШТО ИМ НАШЛЕ РАБОТНИЦИ КОИ НЕ ТРЕБАЛО ДА РАБОТАТ ВО НЕДЕЛА - Државниот инспекторат за труд ги засилува контролите

ЧЕТВОРИЦА ГАЗДИ ЗАРАБОТИЈА КЛУЧ НА ВРАТА ЗОШТО ИМ НАШЛЕ РАБОТНИЦИ КОИ НЕ ТРЕБАЛО ДА РАБОТАТ ВО НЕДЕЛА - Државниот инспекторат за труд ги засилува контролите

Еден од најискусните македонски бизнисмени ќе застапува странски компании

Еден од најискусните македонски бизнисмени ќе застапува странски компании

ИНТЕРВЈУ ГЕШОВСКИ: ЕЛС како најголема доставна компанија нуди партнерство за правни и физички лица во разработен и профитабилен бизнис

ИНТЕРВЈУ ГЕШОВСКИ: ЕЛС како најголема доставна компанија нуди партнерство за правни и физички лица во разработен и профитабилен бизнис

Регистрациите на нови автомобили на најголемиот европски пазар на најниско ниво од 1985 година

Регистрациите на нови автомобили на најголемиот европски пазар на најниско ниво од 1985 година

Зошто Централните банки во светот се префрлаат од долар на злато?

Зошто Централните банки во светот се префрлаат од долар на злато?