Лани на одмор во Бугарија, годинава во Јордан – бериќетна летна сезона за туристичките агенции!

Добивај вести на Viber

Не само за велигденски празници, дел од Македонците веќе имаат уплатено аранжамани и за годинешните летни одмори. На прагот на летната сезона, од туристичките агенции велат дека значителен дел од македонските туристи веќе имаат одлучено и резервирано, а аранжмани за ова лето имаат склучено уште од крајот на минатата година. А туристичката понуда на агенциите за оваа летна сезона е различна, од вообичаените аранжмани за Грција, до понуди за Азурниот брег, Турција, Јордан, Малдиви, Сејшели. - Ние имаме склучено аранжамани уште од крајот на минатата година. Така што во нашата агенција продажбата на арнжманите е активна речиси три месеци. Контики годинава со своето директно претставништво Kon tiki sky во Скопје , отвора дестинација за Јордан, поточно Акаба, на црвеното море која е огормен хит, и тоа не само на нашиот туку и на балканскиот туристички пазар. Исто така за годинава имаме уште една нова дестинација за Азурниот брег, кој е новитет дестинација од веќе постоечките 19 чартер летни дестинации на нашата агенција, вели Дејан Вељанов од туристичката агенција „Kon Tiki Sky“ од Скопје Навиката кај Македонците за терминот на уплаќање за аранжамните е различна. Зголемена е побарувачката за уплаќање неколку месеци однапред поради попустите што се нудат агенциите ако аранжманите се платени пред летната сезона, но има такви кои уплаќаат и подоцна. -Изминативе години се активира побарувачката на аранжмани во овој – претсезонски период, тоа е пред се` поради големите попусти за рана резервација. Меѓутоа за жал, бидејќи голем број од клиентите термините за одмор ги добиваат подоцна во текот на сезоната, сеуште е најзастапена побарувачката Last Minute. Веќе имаме голем број на склучени договори за аранжманите за Турција и Грција, со искористени поволности, процентуално со попусти. Кај нас редовно најбарана дестинација е Турција, со Анталискиот регион. Добрата организираност, високиот квалитет на услугата во хотелите, морето и поволната клима се секогаш причини поради кои Турција се бара и посетува. Грција секако како најблиска дестинација со море е секогаш атрактивна, вели Снежана Нестороска од туристичката агенција Фибула од Скопје Години наназад Грција е дестинација која поради близината е најпосетена од македонците за летните одмори. Но сепак од агенциите велат дека во последно време, граѓаните сакаат да видат и нешто ново и егзотично од типот на Куба, Малдиви, Доминиканската Република и друго. Од туристичката агенција Фибула велат дека најчесто се бара хотелско сместување на краците во Грција, потоа Турција, но има и побарувачка за аранжамни за Дубаи, Куба и Малдиви. Фактот дека последните години за Македонците стануваат атрактивни далечните дестинации го потврдуваат и од другите туристички агенции. -Македонските туристи имаат истенчен и префинет вкус, кога станува збор за патувања. Застапеноста е секако поголема за поблиските мориња и езера, но се поголем процент се појавуваат и барања за далечните дестинации како Куба, Малдиви, Доминиканска Република, Сејшели, крстарења како ервопски така и прекуокеански. Тому фактот што што македонските туристи имаат потреба да излезат од рамките на секојдневниот и досаден одмор, е предизвик за нас, поради што понудата во нашата агенција е за повеќе од 110 држави во светот, објаснуваат од „Kon Tiki Sky“. Независно од цената Македонците за подалечните дестинации одлучуваат да патуваат со авион, а до поблиските места го користат организираниот автобуски превоз од агенциите, и по ретко сопствен автомобил. Од искуството на туристичките агенции, обично за патувањата за Турција и егзотичните места, голем дел од граѓаните се одлучуваат за авионски превоз, додека во Грција најчесто патуваат со автобус или автомобил. Цените на аранжамните се приближно исти како лани Економската криза имаше влијание и во туризмот. Од туристичките агенции велат дека кризата најмногу се почуствувала минатата година, кога токму поради лошата економска состојба граѓаните барале поблиски и поевтини дестинации. -Изминатата година се почувствува ефект од кризата, односно се бараа  поевтини дестинации како  Грција, Бугарија, Албанија. Годинава бидејќи рано започнавме со резервации за Турција, со авионски превоз и со услугата “се` вклучено”, може да се каже дека е подобрена ситуацијата со буџетите на клиентите, кои ги одделуваат за патувања, како за летните, така и за редовните програми кои ги организираме за време на празниците. Секоја година се зголемува интересот за летување во Турција, Македонците патуваат, задоволни сме со досегашната побарувачка и продажба на аранжмани. Очекуваме поголем интерес по завршувањето на училишната година за учениците и студентите, објаснуваат од Фибула Но и покрај кризата ид агенциите велат дека бројот на аранжманите не се намаил, туку напротив се зголемил. - Секако дека и туризмот како целина е погоден од економската криза и истата има влијание на нашиот пазар, особено во куповната моќ на граѓаните. Бројноста на аранжманите не се намали, напротив има нагорен тренд, а тоа се должи на намалувањето на цените за услуги кои ги плаќаат туристите кај нас. Тоа успеавме да го постигнеме со дампинг цени, кои нашите долгогодишни партнери во земјава и странство ни ги гарантираат, без притоа да биде намален квалитетот на услугата, вели Дарко Мустриковски од туристичката агенција Фалкон. Во однос на цените на аранжамните, од туристичките агенции велат дека нема некои драстични промени, односно цените се идентични како и лани, со мали измени за некои дестинации. Речиси во сите туристички агенции оваа година има намалување на аранжаманите за Грција, a дел од агенциите минимално ги имаат зголемено цените за Турција особено за аражаманите со понудата “се вклучено” Иако сеуште е рано да се каже каква ќе биде годинешната летна туристичка сезона,  според првичните проценки на агенциите и фактот што годинава има голем број на резервации кои се направени многу порано од лани, од ова лето  очекуваат поголем профит за разлика од минатата година. Ј.С