Ланската добивка „Скопски пазар“ ќе ја задржи- дивиденда ќе испалти од парите од 2008 година

Добивај вести на Viber

Компанијата „Скопски пазар“ ќе ја акумулира добивката од минатата година во висина од над 22 милиони денари, додека за дивиденда ќе ги искористи средствата од акумулираната добивка заклучно со крајот на 2008 година, стои во Одлуката за усвојување годишна смета за 2012 година, објавена на Македонска берза. Нето добивката од 22.251.670 се пренесува во акумулирана добивка, додека непотрошените средства за вложување во инвестициски фондови издвоени по годишната сметка за 2011 година во износ од над 17 милиони денари, како што стои во Одлуката, ќе се пренесат и ќе се искористат оваа година. Исто така, и непотрошените средства за резерви за откуп на сопствени акции издвоени во 2011 година во износ од над 14 милиони денари ќе се искористат оваа година. Од вкупните средства на акумулирана добивка заклучно со 31.12.2008 година кои изнесуваат 348.025.191 денари, како што се наведува во Одлуката, 8,8 милиони денари ќе се распоредат за исплата на дивиденда за обични акции, а 2,9 милиони денари за исплата на дивиденда за приоритетни акции. Од овие средства 10 милиони денари ќе се одвојат за учество во добивката на вработените и менаџментот.