Ларис Гајсер кажа во кој случај ќе објави уште детали за „Рекет“
Објавено во: Македонија 04 Септември, 2019
Новинарот од италијанскиот весник Ла Верита, Ларис Гајсер во изјава за „Танјуг“ вели дека поседува уште материјали за случајот „Рекет“ и дека ќе објави нови детали ако македонските истражни органи не си ја завршат работата.
„Бев против објавување на овие информации, со кои располагавме, сѐ додека не се уверив дека истите материјали ги поседува и правосудниот систем во Македонија. Тогаш, во Ла Верита одлучивме да ги објавиме за да покажеме дека правниот систем таму ништо не работи и оти веројатно брише докази“, изјавил Гајсер.
Тој објави повеќе „бомби“ по кои почна да се расплетува клопчето околу аферата „Рекет“. Во „бомбите„“ се слушаа разговори меѓу инволвираните во „Рекет“, но и гласот на специјалната јавна обвинителка, Катица Јанева.