Лавров: Против Русија се води информациска војна
Објавено во: Свет 11 Април, 2015
Санкциите против Русија и обидите земјата да биде казнета за тоа дека ja брани правдата, предизвикаа сериозна криза во односите со Западот.
Тоа го изјави вчера рускиот министер за надворешни работи Сергеј Лавров на средба со претставници на невладини организации од Руската Федерација, кои работат на меѓународни проблеми, пренесоа агенциите.
Спроведувањето на договорите од Минск од 12 февруари оди тешко, има и "обиди процесот да биде срушен".
"Сепак огромното мнозинство земји се согласуваат за нивно доследно и целосно спроведување", истакна Лавров.
"Деструктивната линија во врска со настаните во Украина, воведувањето на нелегитимни санкции против Русија, обидите да биде казнета нашата земја, за тоа што го брани правото и правдата, предизвикаа сериозна криза во нашите односи со Западот. Се соочивме со широка информативна војна, се преземаат невидени напори со цел да биде изопачен образот на нашата земја, нејзината политика ", рече првиот дипломат на федерацијата.
Приодите, лансирани од Русија "не укажуваат диктат, а колективен развој на решенија", рече Лавров. Според него, ваквиот пристап Русија гледа во решавањето на ситуацијата околу иранската нуклеарна програма и Сирија, кога "сите сфаќаат дека е потребно да се воспостави национален дијалог".
"Убеден сум дека овој пристап ќе донесе превласт и во Украина", рече рускиот министер. Многу држави "инсистираат аранжманите од Минск да бидат исполнети во целост", истакна тој.