Лавров: САД ги мотивира ИСИС да убиваат руски војници
Објавено во: Свет 04 Октомври, 2017
Рускиот министер за надворешни работи Сергеј Лавров истакна сериозни обвинувања на сметка на САД за состојбата во Сирија.
Според него американската армија ги мотивира терористите и сириската опозиција да ги напаѓаат руските војници кои и асистираат на војската на Асад. На тој начин се загрозуваат животите на рускиот воен персонал, а се оди во прилог на задржување на позициите кои ги има ИСИС.
Во интервју за весникот „Аш Шарк ал аусат” Лавров истакна дека сите играчи треба да ги напуштат геополитичките амбиции и да промовираат целосно обновување на стабилноста и безбедноста во Сирија, исто така и во целиот Блиски Исток и Северна Африка.