ЛИДЕРИ: Кој има најмногу нафта и гас!?

Добивај вести на Viber

САД остануваат најголемиот производител на нафтени и гасни јаглеводороди во светот во 2014 година, според проценките на американската администрација за енергетски детали (EIA). Производството на јаглеводороди во САД продолжува да го надминува она на Русија и Саудиска Арабија, кои соодветно се на второ и трето место меѓу најголемите производители. Во случаите на САД и Русија приносот на јаглеводороди во однос енергетска содржина, е речиси рамномерно распределен меѓу нафта и природен гас. Производството на Саудиска Арабија, од друга страна, е силно во корист на нафтата. Од 2008 година произведената во САД нафта се зголеми за повеќе од 11 квадрилиони британски термални единици (Btu). Најмногу драматичен раст има во Тексас и Северна Дакота. И покрај падот од 50% на цените на суровата нафта, кој започна во втората половина на минатата година, проиведената во САД нафта сепак се зголеми за 3 квадрилиони Btu (1,6 милиони барели на ден) во 2014 година. Производството на природен гас - во голема мера од источниот дел на САД, е зголемен од 5 квадрилион Btu (13,9 милијарди кубни метри на ден) во последните пет години. Комбинираната екстракција на јаглеводороди во последните пет години во Русија се зголеми за 3 квадрилиони Btu, а во Саудиска Арабија - со 4 квадрилиони Btu. Додека ископувањето јаглеводороди во САД во последните неколку години се должи главно на успехот при користење на тесни нафтени формации и шкрилци гас, други клучни фактори исто така дејствувале да се задржи приносот на јаглеводороди без сериозно зголемување во Русија и Саудиска Арабија во 2014 година. Иако, руската нафтена продукција продолжува да се зголемува, приносот на природен гас е намален поради слабиот европски економски раст и топлата зима во 2013-14 година, која ја намали побарувачката во главниот пазар на Русија за извоз на гас. Нафтената екстракција вклучува сурова нафта, течен природен гас, кондензати, придобивки од обработката во рафинерии и други течности, вклучувајќи и биогорива. Еквивалентот на барели на ден е пресметан преку фактор 1 еквивалентот на барел нафта = 5,55 милиони британски термални единици (Btu). К.К.