ЛИЛЕ СТЕФАНОВА: Денес гледаме расчистување со криминалот, па дали бил наш шеф , колега или пријател не е важно
Објавено во: Македонија 23 Август, 2019
„Шефот е осомничен за криминал од пред два дена, така да работа во институција со осомничен шеф не постои, денес гледаме расчистување со криминалот, па треба да сме горди на тоа, без разлика дали е наш шеф, колега или пријател воопшто не е важно“, рече обвинителката, Лиле Стефанова, одговарајќи на новинарско прашање за тоа како е да се работи во институција во којашто шефот е осомничен за криминал.
Стефанова беше прашана и дали таа се гледа како замена на Катица Јанева, и категорично рече дека ниту се гледа како иден шеф на СЈО, ниту имала намера да конкурира за тоа место.
Обвинителката побара што поскоро да се донесе законот за ЈО, за да може и Специјалното јавно обвинителство и редовното обвинителство да си ја работат работата, да не се остава простор на криминалот.