Листа на професии кои најбрзо пропаѓаат

Добивај вести на Viber

Поради напредувањето на технологијата и финансиската криза која ја тресе светската економија, сведоци сме на се побрзото исчезнување на индустријата и професиите кои досега нормално функционирале. Ова е листа на професии кои најбрзо пропаѓаат во новите околности, а ако случајно вие сте работник во некоја, барајте нешто друго - на овие им се гледа крајот! Фотографска опрема Дигиталната фотографија и сѐ поголемата насоченост кон дигиталните формати ја намалија потребата на развивање на фотографиите на хартија. Оваа индустрија во САД доживува пад од 11.4% во последните 10 години. Неодамна пропадна и најголемиот играч на овој пазар - славниот Кодак. Поправка на бела техника и домашни апарати Поради цената на техниката, која секоја година е сѐ пониска и пониска, на купувачите повеќе им се исплаќа да купат нов апарат отколку стариот да го дадат на поправка. Исто така, произведувачите даваат гаранција со која нудат замена на апаратот во случај на поправка, а сето ова довело овој сектор во САД да претрпи пад од околу 5.7% годишно. Изнајмување на DVD-а Јасно е дека со интернетот и веб страните на кои може да се симне секој филм или игра која ја сакате, практично нема потреба за изнајмување на истите. Се очекува овој сектор за следните години да доживее пад од 13.8% годишно. Издавање на весници Издавачката дејност особено весниците и магазините сѐ повеќе ги има на интернет порталите и сѐ повеќе се менуваат поради навиките на читателите. Во следните пет години, издавачите очекуваат пад на приходот за 14.2% годишно. Производство на CD-a, DVD-a Технолошкиот развој ја намали потребата за компактни дискови за складирање на податоци. Потрошувачите започнаа да користат хард дискови или USB флеш мемории, така што индустријата падна за 7.4% во последните 10 години. Се предвидува дека падот ќе продолжи и тоа за 4.4% годишно во следните 5 години. Производство на женска облека Како и претходните два примери, овој сектор доживеа пад во САД поради преместувањето на производството во други земји. Во САД сега постојат 1.196 работилници кои нудат женска облека за разлика од претходната кога биле 2.272. Сепак на облеката секогаш може добро да се заработи, може ефтино да се доведе во странство и скапо да се продава на домашниот пазар.