Листата на постковид симптоми сѐ поголема: Два проблеми посебно загрижувачки
Објавено во: Корона Вирус 21 Февруари, 2022
Во таа група имало 38 отсто повеќе случаи на стресни нарушувања, како и 41 отсто повеќе нарушувања поврзани со спиењето.
Ковид остава последици во вид на психички проблеми, стрес, анксиозност, но и нарушувања во исхраната, предупредуваат експертите. Коронавирусот кај претходно здрави пациенти предизвикува не само ментални здравствени проблеми, туку и нарушувања во исхраната во загрижувачки висок процент, покажа новото истражување.
Истражувачите анализирале податоци од повеќе од 153.000 воени ветерани на САД и откриле дека претходно здравите пациенти имале значителен скок во бројот на пријавени проблеми со менталното здравје, вклучително и нарушувања во исхраната.
Студијата опфати три групи – луѓе кои претходно имале КОВИД и немале ментални проблеми, луѓе кои немале КОВИД и „контролна“ група, односно податоци добиени пред пандемијата на корона вирусот.
Откриено е дека пациентите кои биле подложени на корона имале 39 отсто поголеми шанси за депресивни нарушувања, како и 35 отсто поголеми шанси за случајни анксиозни нарушувања во месеците по инфекцијата. Во оваа група спаѓаат и проблемите со исхраната како што се булимија или анорексија.
Во таа група имало 38 отсто повеќе случаи на стресни пореметувања, како и 41 отсто повеќе нарушувања поврзани со спиењето. Речиси 19 отсто од нив примиле дијагноза или препишале терапија поради невропсихијатриски проблеми.
- На пациентите мора да им пружиме соодветна грижа по закрепнувањето за да немаме многу поголема криза во иднина - изјави д-р Зијад ал Али, клинички епидемиолог од Сент Луис.
