Добивај вести на Viber
Моднатa недела во Лондон која започна денеска ќе и обезбеди на економијата на земјата прилив од околу 100 милиони фунти , изјави претседателката на Британскиот совет за мода, Натали Маснет, пренесе ИТАР -ТАСС .
Според Маснет модната индустрија е " најголемиот работодавец меѓу сите креативни индустрии во економијата" на Британија.
„Планираме да продолжиме да ја поддржуваме со сите сили оваа област - од извршните директори до обичните кројачи , за да можеме во иднина да се привлечеме уште повеќе професионалци во светот на модата" , рече таа за време на свечената церемонија по отворањето на настанот .
Претседателката истакна дека клучна компонента за индустријата се дизајнерите.
„Многу е важно оваа недела да го потврдиме реномето на Лондон како место каде се раѓаат ѕвездите во светот на модата. Начинот на кој се облекуваат лондончани , го одредува вкусот на луѓето низ целиот свет " , додаде таа .
Оваа година своите колекции во британската престолнина ќе ги претстават околу 70 дизајнери. Повеќето од ревиите ќе се одржат во Сомерсет Хаус - историската палата во класичен стил, со неколку музеи , како и седиштето на Британскиот совет за мода.
Веднаш по завршувањето на неделата на модата на 17 септември Сомерсет Хаус ќе стане трговски центар , каде што колекциите на водечките дизајнери ќе бидат понудени за продажба со попусти.
Според податоците на Британскиот совет за мода, модната индустрија секоја година и обезбедува на британската економија околу 21 милијарди фунти.