Лубиц ги излажал лекарите на 10 март дека наскоро нема да лета
Објавено во: Свет 02 Април, 2015
Нови детали за вториот пилот, за кој се претпоставува дека намерно го урна „Ербасот А320“ во француските Алпи, пишува денес „Bild“.
При медицинско истражување, непосредно пред несреќата, Андреас Лубиц им рекол на лекарите дека е на боледување и наскоро нема да извршува професионални обврски.
Тој, сепак, не сокрил дека работи како пилот во авиокомпанијата „Germanwings“.
Германскиот таблоид наведува дека Лубиц ја посетил клиниката во Дизелдорф на 10 март, две недели пред ужасната несреќа. Тогаш тој се пожалил на лекарите дека има проблеми со видот.
„Bild“ пишува уште дека според информациите добиени од медицинската мапа на пилотот, Лубиц споделил дека добива „напади на паника и замаглување пред очите“.
Истовремено од „Germanwings“ продолжуваат да тврдат дека не знаеле ништо за здравствените проблеми на Лубиц и склоноста кон самоубиство, забележува таблоидот.