ЛУКСУЗ: Еден човек го купил цел последен кат од првата кула на Џевахир во Скопје?

Добивај вести на Viber

Еден купувач ги купил сите стана на највиокиот кат во едната од двете кули на Џевахир Скај Сити кои се во поодмината фаза на градба, откри раководството на турската компанија, која ги гради највисоките облакодери во Македонија. Името на купувачот засега не се открива, но тој ги купил сите луксузни апартмани на последниот 42-от кат во едната зграда. Од компанијата денеска информираа дека досега е договорена продажба на 60-тина стана во облакодерите. Според Есер Џевахир, член на Управниот одбор на Џевахир Холдинг, овој резултат задоволува за фаза на градба, а уште поголем интерес се очекува откако кулите ќе бидат во завршна фаза. „Џевахир Скај Сити комплексот ќе понуди концепт на модерен живот без ограничувања, со сите неопходности што ги има едно семејство, млади брачни парови или самци. Покрај удобноста, гарантирана е и безбедноста. При градењето на Џевахир Скај Сити комплексот ги користиме најдобрите материјали и технологии“, увери Џевахир. Од комплексот веќе се поставени темелите и интензивно се гради третата висококатница, додека наскоро треба да започне изградбата и на четвртата кула. И овие две, како и првите две згради, ќе бидат високи по 130 метри и уште 32 метри под земја за подземни гаражи и темелни столбови. Во затворениот комплекс, покрај станбениот дел се предвидени и допполнители содржини - трговски центар, фитнес сали, три покриени базени, турски бањи, сауни, детски игралишта, сквош и пинг понг игралишта... Почетната цена на становите е 1.100 евра за квадрат, но за луксузните апартмани на врвот таа е неколкупати повисока.