Луксузен данок за имот во луксуз
Објавено во: Анализа 27 Декември, 2014
Британците плаќаат највисоки даноци на недвижен имот, ако се разгледа нивното учество од вкупниот обем на даночни приходи, покажа истражувањето на Организацијата за економска соработка и развој (ОЕЦД).
Според извештајот 11,9% од сите даноци платени во земјата во 2012 година, се давачки за имот. Така 1 од секои 8 фунти, платени за даноци на Островот, е поради станови и деловни згради.
Тука влегуваат различни даноци и такси наметнати врз имотот - данок за наследство, општински и бизнис такси.
ОЕЦД анализирала податоци за 34 претежно богати држави, од Јапонија до САД. Во нив во просек 1 фунта од секои 18 фунти, платени за даноци, е за имот.
Велика Британија ја следат САД и Канада, каде имотните даноци формираат 11,8% и 10,6% од сите даночни приходи. На другиот крај на скалата пак Естонија (1%), Австрија (1,3%) и Чешка и Мексико (1,5%).
Приходи од имотни даноци како дел од вкупните даночни приходи во 2012 година:
Британските даночни обврзници ги плаќаат исто така и највисоките даноци на имот како дел од бруто домашниот производ на земјата, покажува студијата.
Имотните даноци на Островот се еднакви на 4% од БДП во однос на просекот од 1,8% во 34-те држави и само 1% во Германија, Шведска и Чиле.
Податоците покажуваат уште дека британската влада примила близу 65 милијарди фунти од даноци на недвижности во 2012 година, што е зголемување од 6 милијарди фунти за само три години.
Податоците веројатно ќе извршат притисок врз Лабуристичката партија, која планира воведување "данок палата", кој предвидува дополнителен должност за сместување во вредност од над 2 милиони фунти.
K.K.
