МАЈКАТА И СЕСТРАТА ЗАГИНАА ВО ГАЗА: Бебе е спасено од под урнатините на куќа
Објавено во: Свет 30 Декември, 2023
Бебе е спасено од урнатините на куќа во Газа, а мајката и сестрата се убиени.
Детето е спасено по израелскиот напад на градот Рафа и е згрижено во болница. Мајката и сестрата настрадаа во нападот на куќата на семејството Абу Едван, каде покрај нив се засолниле и многу други раселени за да се заштитат од нападот на израелските сили. Таткото и братот Хамед преживеале.
„Во воздушниот напад загинаа 20 лица, а 55 се ранети“, изјави портпаролот на Министерството за здравство во Газа, Ашраф ал Кидра, пренесе Ројтерс.
Досега над 21.500 Палестинци се убиени, од кои многу деца се помлади од 18 години.
Јужноафриканската Република побара од Меѓународниот суд на правдата (ИЦЈ) итно да прогласи дека Израел ги прекршил своите обврски кон Конвенцијата за геноцид во војната против плаестинската терористичка група Хамас во Појасот Газа.Хамас на 7 октомври изврши напади во јужен Израел, уби над 1.200 израелски цивили, но и странци. Оттогаш Израел спроведува операција за уништување на Хамас.