15 Декември, 2018
0.5312
    ALK 8197.71    -1.16%     FERS 67900    0%     GRNT 800.16    -2.3%     KMB 5024.07    -0.79%     MPT 46679.54    -1.73%     MTUR 4900    0%     OHB 6517    -0.43%     OILK 6000    0%     OKTA 4350    0%     RMDEN12 97.3    0.31%     RMDEN15 96.8    -0.41%     RMDEN16 97    0%     SBT 1950    8.22%     SOLN 170    0%     STB 1281.65    -0.63%     TEL 299.58    -0.14%     TNB 14180    -0.14%     TTK 1270    -0.78%     ZLRB 6170    311.33%

Маката ги натера ресенчани да ги нудат јаболката дури и на Фејсбук

Објавено во: Агробизнис 22 Ноември, 2018

Производителите на јаболко во Ресен и Преспа кои имаат големи количини, немаат кому да ги продадат затоа што откупот не е на завидно ниво, и затоа почнаа да ги нудат јаболката на граѓани, на фирми, секаде каде ќе најдат шанса за продажба, па дури и на Фејсбук. Во одредени групи нудат јаболка за продажба, со прецизна информација за која сорта се работи, и колку е цената. 

Сепак, велат на ваков начин ќе се продаде многу малку од количините јаболка.

„Ги нудиме по Фејсбук, на граѓани, на фирми, дури им ги носиме, имаме достава, колку да не ни стојат дома. Купувачите се задоволни затоа што се работи за јаболко прва класа. Но, дали продадовме 10% од она што го имаме, јаболка има  многу, а од друга страна и трошоците за прозводство се високи, се трошат пестициди“, вели производителка на јаболка.

Горан Талевски од селото Долна Бела Црква кој ги истури јаболката поради ниската цена, вели дека бил револтиран, и достоинството му било згазено. Според него, ваква лоша сезона немало во последните 15 години.

„Јас живеам од земјоделство, си плаќам придонеси, не сум на товар на државата, и сега ќе бидам зијан. Ние сме дома шест члена, а во моето село има уште десет семејства кои исто како мене имаат околу 250 тони јаболко. Може да ги продадам за на пазар, но така дали една третина ќе се потроши. Имам 60 тони индустриско јаболко, а сам купувам амбалажа, една вреќа е 5 денари. Се надевам дека ќе земам субвенции. Ние упативме апел до премиерот, министерот, пратениците и од власта и од опозицијата да ни помогнат, да преземат мерки. Нормално дека јас како поединец нема да најдам извоз за руски или унгарски пазар. Јас треба да се гордеам што сум производител на храна, а не да се срамам што сум земјоделец“, раскажува Талевски.

Тој додава дека е многу разочаран и дека размислува да замине во странство, за воопшто да не мисли дали остатокот од јаболката ќе се продаде.

Состојбата е лоша кај сите. Имаме јаболка, ама никој не бара, цената е ниска, додава Златко Георгиевски од Ресен.

Во некои градови во Македонија убаво ресенско јаболко може да се најде и за многу ниска цена на пазарите која изнесува 10 или 15 денари по килограм. 

Сања Атанасовска

Можеби ќе ве интересира

МЗШВ: Во транспарентна и законска дисциплинска постапка е утврден основот за носењето на Решение за престанокот на работниот однос на државниот советник

МЗШВ: Во транспарентна и законска дисциплинска постапка е утврден основот за носењето на Решение за престанокот на работниот однос на државниот советник

Шест овошки кои носат топ заработка

Шест овошки кои носат топ заработка

АЛТЕРНАТИВЕН НАЧИН НА ЗАРАБОТКА: Ова е најскапиот зачин во светот а оваа земја почна нагло да го произведува

АЛТЕРНАТИВЕН НАЧИН НА ЗАРАБОТКА: Ова е најскапиот зачин во светот а оваа земја почна нагло да го произведува

МЗШВ: Промена во цената има само на еден тип на леб, ќе се интервенира доколку дојде до пораст на цените и на останатите типови леб

МЗШВ: Промена во цената има само на еден тип на леб, ќе се интервенира доколку дојде до пораст на цените и на останатите типови леб

Владата се уште ја тестира „зелената“ нафта

Владата се уште ја тестира „зелената“ нафта