МАКЕДОНЦИТЕ НАВАЛИЈА НА ГИРО: Гужви на граничните премини, кон Бугарија празно, еве ги деталите (ОБНОВЕНО)

Добивај вести на Viber

Продолжениот викенд традиционално е повод за посета на соседната сончева Грција, но се поголем интерес има и за соседна Србија. 

Македонците навалија на викенд дружби кај соседите. Ќе се јаде морска храна и гиро викендов, но и лесковачка. 

Од камерите пред граничните премини може да се забележи дека навалата е најголема кон Грција, каде има долга колона на возила. 

Граничниот премин „Богородица“ изутринава е преплавен со автомобили кои чекаат за излез од Македонија кон Грција. Продолжениот викенд поради велигденските празници, голем дел граѓани ќе го поминат надвор границите на државата. 

Како што јавуваат читатели на Фактор, утрово била забележана гужва и на граничниот премин кон соседна Србија, каде се чекало и половина час за излез од државата. 

Сепак, од Авто - мото сојузот на Македонија - АМСМ информираат дека денеска на граничните премини Табановце и Богородица времето на чекање е околу 30 минути. На останатите гранични премини од македонска страна нема подолги задржувања за влез и излез од државата.

Од АМСМ - Србија, чии камери го прикажуваат влезот на патници од Македонија во Србија се забележува дека и во текот на пладнето, во 14 часот се уште имаше голем број возила на границата. 

Но, гужви нема на границата кон Бугарија. На граничниот премин „Деве Баир“ е целосно слободно движењето.

Колкава улога играат политичките превирања кои ги зафатија нашите држави последниве месеци во слабиот проток на патници на овој граничен премин? 

Интересот за патување кон Бугарија од година во година е се помал, но последиве години значително намален. 

Поради бројните политички препукувања и притисокот кој го врши соседна Бугарија врз нашата земја дополнително се влоши комуникацијата меѓу нашите народи.