Добивај вести на Viber
Македонија се најде на 23 место, во најновиот извештај на Светската Банка “Дуинг бизнис 2012”. Лани Македонија беше на 38–то место. Годинава се анализирани 185 земји, на прво место според водење бизнис се наоѓа Сингапур, следуваат Хонг – Конг и Нов Зеланд.Пред Македонија, од европските земји се наоѓаат Германија, Исланд, Финска, Австрија, додека нашата земја според годинешната позиција во извештајот е подобра од останатите балкански држави. Во извештајот се посочува дека Македонија има напредок во постапката за отпочнување на бизнис и во плаќањето на даноци.
Во извештајот пишува дек Полска направила најголем напредок во бизнис реформите, но Сингапур се уште го држи првото место во светот за лесно правење бизнис, се наведува во извештајот „Doing Business“ на Светската банка, кој е објавен вчера.
Првото место по реформи кои помагаат за полесно водење бизнис го има Полска, а по рангирањето направено во Источна Европа и Централна Азија. Генерално дури 88% од земјите во тој регион ги подобриле бизнис регулативите минатата година. Полска, го олеснила регистрирањето на сопственост, плаќањето даноци, исполнувањето на договори и решавањето на проблеми поврзани со неплатежната способност, со што станала земја со најмногу подобрувања од 185 држави, вклучени во извештајот.
Сингапур го зачувува првото место седма година по ред во рангирањето за правење бизнис, по кој следат Хонгконг, Нов Зеланд, САД и Данска. При изготвувањето на извештајот се земаат предвид регулативи, кои ја засегаат една компанија во текот на нејзиното постоење – од тоа дали лесно се започнува нов бизнис до тоа колку време е неопходно за пополнување даночна декларација или за регистрирање на сопственост.